ربنا ستار

[walaa farouk]

- مهما عملت نعمة ربنا هتغطيك..
=معنى كده إن النعمة رخصة عشان أغلط؟🫢
- أكيد لأ طبعًا..
=أومال إيه اللي بيقوله بولس دا👇
"لكِنْ حَيْثُ كَثُرَتِ الْخَطِيَّةُ ازْدَادَتِ النِّعْمَةُ جِدًّا" (رومية 5 :20 )
-واضح إنك موصلتش لقصد بولس بالظبط🫣
هابسطهالك...
في مثل الابن الضال، الأب استقبل ابنه وهو بيجري عليه من بعيد حتى من قبل ما يعرف إنه جاي يعتذر...
هي دي النعمة.. في وسط ما أنت عاكك وخارب الدنيا هتلاقي المسيح
في رجوعك بيحاوطك بالحب والغفران عشان تكون مقبول بيه ومُبَرر..♥️
- عارف يعني إيه مُبَرر ؟
=يعني مش بعمل خطية خالص ؟ صح؟😯
- لأ برضه ..
مبرر هنا معناه إن الله بيشوفك من غير خطية من خلال بره الكامل..
ودا معناه إنك بقيت بار مابتحبش الخطية لكن لو فُرض
واخطأت ف أنت هتجري وتروح ليسوع هتتوب وهيديك غفران بالنعمة.
- عارف "الصدّيق ليه لسه صدّيق" مع إنه سقط 7 مرات ؟🤔
عشان هو كان بيقوم كل مرة.. عشان ماكنش حابب يسقط،
مش مستهين بالنعمة، مش في نيته يتمادى في غلطه...