الصلب مش ضعف كما يبدو لكثيرين

[walaa farouk]

الصلب_مش_ضعف 😍
السيد المسيح كان جاي يحارب مين ويقضي على مين؟
ساعتها نشوف هو كان عنده المقدرة ولا لا؟

هل الصلب دا ضعف او قوة؟
السيد المسيح كان جاي يدي حياة للإنسان.
لأن للأسف الإنسان شرير وبقى الشر جزء منه،
ولو تم الحكم على الإنسان.. هيبقى الحكم هو الموت.
كمان الشيطان بيحرك البشر وإرادتهم وعاوز طول الوقت يضللهم،
فالبشر هم اللي ضُعاف وعاجزين واشرار،
ضُعاف لانهم ميقدروش يخلصوا نفسهم
من الشر اللي جواهم، مهما عملوا.
عاجزين عن انهم يعملوا حاجة صح،
وأشرار لانهم مستعبدين للشرير، اللي بيستغل نقطة ضعهم
والخوف اللي عندهم علشان يسيطر عليهم بالخطية،

السيد المسيح لو كان أباد الأشرار كان باد البشرية وقتها كلها،
بس مش هو دا الحل.
الحل انه يقابل اللي ورا البشر، اللي بيحركهم، وينتصر عليه.
ولكن لازم يبقى شبههم في الجسد ويدخل للعالم بالشكل دا،
علشان يبقى قادر يمثلهم فعلاً،
ويوم ما ينتصر تبقى النصرة ليهم.
يوم ما ينتصر على الشر والشرير والموت،
النصر في الصليب.. مش على الإنسان،
وإلا هيبقى فعلا اللي حصل.. ضعف،
لكن النصرة على اللي بيستعبد الإنسان.