عايشين فى دوامة

[walaa farouk]

احيانا بحس ان احنا عايشين فى "loop".
كل يوم نصحى نعمل نفس الحاجات سواء مدرسة، كلية،
شغل، موبايل، سوشيال ميديا.
وننام بليل و نصحى نكرر
هل دة الصح اننا نعيش حياة روتينية مفيهاش اى نوع من انواع التجديد؟
لو انت شايف ان لا مش ده الصح فانا احب اقولك ان دة رأي انا كمان
للاسف اغلب مواقع السوشيال ميديا طورت خوارزميات عشان تعرض لينا فيديوهات
تدينا "دفعة دوبامين" "dopamine rush"
فنفضل نقلب بالساعات عشان نفضل نستمتع.
فهل هنسيب خوارزمية تتحكم فينا؟ ولا لازم نتغير و نقاوم دفعة الدوبامين
عشان نغير حياتنا كلها
اشجعك تعمل تحدى ال"dopamine detox"
او زى ما بيتقال عليه "صيام الدوبامين"
عشان تقدر تتحكم فى حياتك وتتغير للاحسن❤🥰