خليك بطاطس !!!!؟؟؟

[حنان بنت المسيح]

1- البطاطس المحمرة لما بتتغلي في الزيت بتبقي عادة مقرمشة من برة و طرية من جوة
-عشان كدة لما حد يعمل معاك موقف سخن اوي ماتعملهوش وحش اوي ..ايوة حاسسه انك زعلان منه و خد موقف بس خلي قلبك ابيض و وطري "طيب يعني " مش ناشف و سامح عشان ربنا بيسامح .



2-البطاطس المحمرة تلاقيها عند ماكدونالدز ( فرينش فرايس) و برضه تلاقيها عند بتاع الفول والطعميه
يعني انت كمان خليك زي البطاطساية ماتتكبرش علي حد وصاحب كل الناس غني او فقير



3-البطاطس المحمرة بتتقدم مع حاجات كتير :مايونيز , كاتشب ,صلصة و طحينة بس بتفضل في الاخر اسمها بطااااطس
-يعني مهما اتعرضت لثقافات و بيئات مختلفة احتفظ دايما بشخصيتك المستقلة و طريقة تربيتك و خلي الناس هية اللي تتاثر بيك



4-البطاطس برضه ممكن تبقي شيبسي و هي اول حاجة بنفكر فيها لما بنحس بالجوع و احنا برة البيت
- ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسي"


5-البطاطس المحمرة لو اتهرست بتبقي برضه طعمها حلو و ممكن نسميها "بطاطس بيوريه"
-مهما الدنيا تهرس و تبهدل فيك خليك شخص كويس و لذيذ و طلع للدنيا لسانك و قول "انا بطاطساية بيوريه

عشان تبقي محبوب من كل الناس :

خليك بطاطس

[روشا الفرفوشه]

ههههههههههههههههههههه
تصدقى معلوماتك ديه مش كنت اعرفها
نورتى المحكمه
ههههههههههههههههههه

[حنان بنت المسيح]

هههههههههههههههه
ايه رايك علشان تعملى بنصيحه وتكونى بتطسايه ههههههههههههههه

[رمانة]

مشاركة مثمرة ربنا يباركك

[Ebn Barbara]

هههههههههههههههه
معلومات حلوه قوي
ميرسي كتير ياحنان
ربنا يباركك

[Mary Naeem]

شكرا على المشاركة
ربنا يفرح قلبك

[حنان بنت المسيح]

ميرسي لمروركم الجميل
ربنا يبارك خدمتكم