|
 |
 |
 |
|
رقم المشاركة : ( 1 )
24 - 08 - 2022, 06:10 PM
|
|||||||||||
|
|||||||||||
 من أكتر الحاجات المُشجعة.. اللي بيحكيهالنا الكتاب المقدس عن تدريب الصلاة: هي أن الصلاة ينفع تكون حل مريح وشريك فعال لمواقف حياتنا اليومية المختلفة اللي ممكن تكون صعبة او متعبة او حتى ملهاش حل وحتى لما نحس بأي نوع من المشاعر السلبية ينفع نعبر عنها بالصلاة .. زي الصلاة لأجل المرضى اللي كانت سبب في شفائهم، أو الصلاة لأجل المشورة وأخد قرار حكيم لما تنتابنا مشاعر حيرة زي ما بيحكيلنا الكتاب المقدس عن موسي مثلا إزاي كان بيصلي قبل كل خطوة هيقود بيها الشعب.. حتى لما في واحد اسمه نحميا المدينة بتاعته كلها خربت تماما وكان خايف على اهله وحبايبه هناك وكان مهموم جدا.. الكتاب المقدس بيقول إنه بكي وحزن آه لكنه كمان جلس وصلى وسفر المزامير مليان بصلوات ناس طالعة بمشاعر مختلفة جدا فرح، حزن، عتاب، وحتى غيرة او غضب! .. أو أي حاجة، الحقيقة مفيش اي حاجة ممكن تحصلك ماينفعش بسببها او علشانها تصلي.. أشجعك تستغل الفرصة دي وتستمتع بالمستوى دا من العلاقة مع الله وعبر عن مشاعرك بالصلاة. 
|
 |
| أدوات الموضوع | |
| انواع عرض الموضوع | |
|
العرض العادي
