الهروب وقتها كل الجدعنة👌🏼

[walaa farouk]

كان في مرة واحد مدمن مخدرات لكن هو قرر أنه هيبطل
ويوقف وفعلا نجح بعد وقت صعب أنه يبطل ويتعافى 💪🏼
وفي مرة واحد من أصحابه المدمنين عزمه عنده في البيت وهو كان متردد يقبل العزومة ولا لا لأنه كان متأكد أنه هيكون في مخدرات في العزومة بس هو قال في نفسه أنا هروح مفيش مشكلة
أنا مفيش قوة تقدر تخليني ارجع للمخدرات 🙄
وافتكر إعلان محمد صلاح أنت أقوى من المخدرات 😅
بس مجرد ما راح هناك وبعد إلحاح أصحابه للأسف اتعاطى تاني 😟

ممكن وأنت بتقرى القصة دي تقول إيه ده أنا لو مكانه استحالة أعمل كده بس للأسف يمكن لو اتحطيت في موقف شبه كده مع خطية أنت بتحبها مش هتقدر تعمل قوى قدامها 🤷🏻‍♂️
في آية في سفر الأمثال بتقول لِأَنَّهَا طَرَحَتْ كَثِيرِينَ جَرْحَى،
وَكُلُّ قَتْلَاهَا أَقْوِيَاءُ
الخطية قوية وليها سحرها وجمالها🥴
فمينفعش أنى أقرر أنى أكون قدامها وأقول مش هعمل كده لأن الكتاب بيقول كل قتلاها أقوياء.
تعال قرر أن الخطية اللي بتحبها تبطل تواجهها
لكن اتعلم أنك تهرب لأن الهروب وقتها كل الجدعنة👌🏼