|
 |
 |
 |
|
رقم المشاركة : ( 1 )
16 - 04 - 2022, 11:44 AM
|
|||||||||||
|
|||||||||||
 أخ كبير وليه أختين أصغر منه... الأب والأم ماتوا، وهو اللي شايل الشيلة... صحيوا البنتين في يوم لقوا أخوهم الكبير مات...! يادي المصيبة... سيبتنا ومشيت ليه!؟ هنعمل من بعدك أيه!؟ اللي لينا راح، وراح معاه السند والأمان والحماية... 4 أيام مليانين ببكاء ونواح وألم... ويا عالم اللي جاي هيبقى شكله أيه...؟! وفي وسط المشهد الصعب بيظهر صديق عزيز عليهم شخص مُختلف عن كل اللي راحوا يعزوهم.. أول ما قرب من القرية، جريت عليه واحدة من الاخوات وبحزن وكسرة نفس وعتاب قالت له.. لو كنت موجود مكنش الغالي مات.. بص لها بثقة ويقين وقالها: أخوكي هيقوم! قالت له بيأس: أنا عارفة إنه هيقوم، بس في القيامة مش دلوقتي.. قالها بيقين وثبات: أنا القيامة والحياة، اللي يآمن بيا ولو مات هيقوم... وكل حي آمن بيا، عُمره ما يشوف موت.. أنت مصدقة ده؟! قالت له: أيوة، أنا مصدقة إنك أنت المسيح ابن الله اللي جه للعالم. أما الأخت التانية، فكانت منهارة في البيت مش قادرة تتكلم.. دخلت عليها أختها الكبيرة وقالت لها بصوت واطي.. المُعلم وصل... وعاوز يشوفك.. أول ما عرفت إنه جه، قامت جري تقابله.. وأول ما شافته وقعت عند رجليه وقالت بمرارة.. لو كنت موجود مكنش الغالي مات... فلما شافها يسوع بتبكي... مقدرش يتماسك أكتر من كده، وبكى هو كمان معاها... لكنه وقف قصاد القبر وصرخ بقوة وسلطان... "لعازر... هلم خارجاً!"... قام الميت من موته، وترك قبره بسكوته... والميتم اتقلب لفرح، بقوة وقدرة المسيح الحي... مع الأخت الأولى قدم إعلان عن ألوهيته الكاملة... ومع الأخت التانية قدم إعلان عن إنسانيته الكاملة... الإله الحقيقي يشجع ويقول هو مين ويقدم اللي البشر ميقدروش يقدموه... والإنسان الحقيقي يتعاطف ويتواجد ويتألم مع البشر لأنه واحد منهم... الإله الحقيقي قدر إنه يشدد إيمان مرثا... والإنسان الحقيقي قدر إنه يشارك مريم أحزانها... يا بختنا إن الإله الحقيقي والإنسان الحقيقي شوفناهم في شخص واحد 😍☝️ يسوع المسيح ❤️ #سبت_لعازر 😍 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| إعلان الرب نفسه وإيماننا، هو جسد حقيقي ودم حقيقي |
| ما هو حقيقى و غير حقيقي عن فوائد زيت جوز الهند |
| هل الله حقيقى؟ كيف أتأكد من أن الله حقيقى؟ |
| فرح حقيقى |
| اب حقيقى |
العرض العادي
