|
 |
 |
 |
|
رقم المشاركة : ( 1 )
21 - 02 - 2022, 08:15 AM
|
|||||||||||
|
|||||||||||
|
هل تصلي الكنيسة علي المنتحر ؟؟  الموضوع ده ليس له اي علاقة بأي احداث او اشخاص بعينها الموضوع ده انا نزلته لاني لقيت السؤال ده متكرر علي جروبات كتير يعني الموضوع ده مجرد اجابه شخصية مني علي السؤال ده تحديدا دون الخوض في اي تفاصيل اخرى .. مبدئياً انا مش بحب السؤال ده خالص ولا بحب اتكلم عنه ، لان ببساطه المنتحر قبل ماينتحر مش هايقول لا الكنيسة مش هاتصلي عليا يبقي بلاش انتحر المنتحر بيوصل لدرجة كبيرة جدا من ضيق النفس والاكتئاب وده اللي بيخلي كل حاجه صغيره في عينيه ف مش بيبقى فارق معاه يتصلى عليه او لا بيقول مهما كان عقاب ربنا اكيد هايكون ارحم عليا من الناس " حسب فكره " لكن تعالوا نشوف المصطلح الأهم من قضية هايتصلى عليه ولا لا الا وهو ( الافتقاد ) ودي حطها في قلب قوس كبير جدااااااااااااا وحط تحتيها مليون خط الأهم من الصلاه ، هو الافتقاد انا لو بفتقد النفوس الضعيفه والغير الضعيفه واسندهم واحاول اسمع مشاكلهم واحلها معاهم اكيد الامر مش هايوصل لكده نفسك ضغيفه ومكتئب بسبب قلة الفلوس .. طيب ياحبيبي هدور ليك علي شغل نفسك ضعيفه ومكتئب بسبب انك مش عارف تجوز بناتك .. طيب ياحبيبي هاشيل معاك كأنهم بناتي نفسك ضعيفه بسبب انك مش لاقي حب .. طيب ياحبيبي انا هحاول اشوف حد مناسب ليك واقعدكم سوا تتكلموا يمكن ترتاحوا لبعض نفسك ضعيفه بسبب حد بيهددك وبيأذيك .. طيب ياحبيبي ماتخافش وانا هقف جنبك وهتواصل مع كل الجهات المختصه ومش هاسيبك تواجهه لوحدك نفسك ضعيفه بسبب خلافاتكم الزوجيه ؟ طيب ياحبيبي انا هقعد واسمع منكم انتوا الاتنين ومش هاسيبكم تواجهوا مشاكلكم وانفعالاتكم لوحدكم نفسك ضعيفه بسبب انك وحيد ومالكش اصحاب ؟ طيب ياحبيبي اسمحلي ادخلك في جروب شباب ممتازين جدا هايعرفوا يخطفوك من همك ويملوا فراغ يومك وغيرها كتير من الامور اللي لو وفرناها لكل مكتئب مع اختلاف اسباب اكتئابه عمره ما هايوصل للمرحلة دي المكتئب بيكون فقد كل التواصل بالناس وباللي حواليه مش عاوزين نفضل سايبينه ياكل في نفسه ايام وشهور ويمكن سنين وبعد ماينتحر نقول هانصلي عليه ولا لا اذا كان هناك افتقاد حقيقي .. وحط مليون خط تحت مكلمة حقيقي يعني مش هاخبط عليك ازيك عامل ايه وانا علي الباب واسيبه وامشي .. لا افتقاد حقيقي يعني ادخل جوه قلبه واشوف مشاكله واحاول احلهاله اكون رايح عن اقتناع مش تأدية واجب لو النوع ده من الافتقاد موجود ساعتها مصطلح الانتحار مش هايكون موجود ومن فضلكم محدش يرمى اللوم علي اشخاص بعينها في موضوع الافتقاد كلنا مطالبين بده .. زي ماهاتسند غيرك ربنا هايبعت اللي يسندك نقطه كمان .. الاسره ليها دور مهم في احتواء اولادهم ومشاكلهم الحياه مش اكل وشرب بس ، ارجوكم اسمعوا اولادكم ❤️ - نقطة اخيره احب اوجهها لكل شخص مكتئب والفكرة بتدور في دماغه مهما كانت الصعوبات والضيقات لازم تتغلب عليها وتحطها تحت رجلك مفيش حاجه تستاهل تفقد حياتك علشانها .. خبط علي باب مرشدك الروحي والنفسي او اب اعترافك ولو ملكش قاوم نفسك واختار حد وخبط علي بابه وقوله انا محتاج اتكلم معاك وارجوك تساعدني اخرج من اللي انا فيه ان معرفش غيره هايعرف .. احكيله كل البلاوي اللي جواك .. فضي ياحبيبي فضي ، احكي ياحبيبي أحكي فضي متاعبك واوجاعك .. لكن ارجوك ماتستسلمش للفكرة .. لو مارتاحتش شوف طبيب نفساني يكون مؤهل لسماعك وارشادك ، عافر وخبط الابواب وماتستسلمش لوجعك 😞😞 ربنا يعزي الكل ويصبر الكل ويواسي الكل ويسند الكل ويطبطب علي قلوب الكل 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| ليتك تصلى من أجل سلام الكنيسة |
| ثق أن الكنيسة أيضًا تصلي من أجلك |
| هل تغير الصلاة على زينون موقف الكنيسة من المنتحر؟ |
| الكنيسة تصلي من أجل سلام يعم مصر والشرق الأوسط |
| لماذا تسمي الكنيسة بيعة ؟؟؟؟ |
العرض العادي
