|
 |
 |
 |
|
رقم المشاركة : ( 1 )
09 - 01 - 2022, 07:22 PM
|
|||||||||||
|
|||||||||||
 فكرة اقتراب الله من البشر... فكرة مرفوضة من مُعظمنا... يمكن عشان حاسِّين انِّنا منستاهِلش... أو مش شايفين داعي لوجوده، وكفايا أنبياءه ووصاياه... يمكن عشان مش متعوِّدين على الحب للدرجة دي... أو عشان حاسِّين انها حاجة تقلِّل من الله...! أعتقد إنه لا يمكن الإنسان (المَّتسِق مع نفسه)... يسمو أخلاقيًّا عن الإله اللي بيعبده... فلو إنسان يؤمن بإله قاسي، لا يمكن يكون إنسان حنيِّن... ولو إنسان يؤمن بإله مخادع، لا يمكن يكون إنسان أمين...! أي أب حقيقي مدرك إن حُبُّه لولاده لا يكفيه وصايا وقواعد... مهما كانت الوصايا دي لخيرهم ومصلحتهم وفرحتهم... لكن لازم علاقة متبادلة، قُرب، حُضن، مشاعر، توحُّد بيهم... لو افترضنا إن الأب مدير في شركة كبيرة، وليه مركزه... فهو – على الرغم من ده – على أتم استعداد يكون مع ابنه... بصورة مختلفة عن صورته في شُغله قُدَّام موظَّفينه... يركِّبُه على ضهره، يلعب معاه في الأرض، يلعبوا بوكس... حتى لو كلِّفه الموضوع إنه يوسَّخ نفسه وهدومه...! النوع ده من القُرب بين الأب وابنه، مش تقليل منه... لكن حب حقيقي، الأب بيستمتع بيه، والابن بيفرح بيه... مهما كان الغريب شايف إن دي حاجة تقلِّل من "المدير"... لكن ده في الحقيقة مش بيعطَّل المدير عن منصبه... لكنه بيضيف ليه عنصر تاني ميفهموش الغريب...! وبالتالي: لو فيه أب كده (ودول كتير)... لا يمكن يسمو عن الإله اللي بيعبده... يعني حُب الأب لابنه، لا يمكن يسمو عن حب الله للأب...! قُرب الله لينا وتجسُّده... بيقول اننا مقبولين ومحبوبين فوق ما نتخيَّل... بيقول ان الله قابل يحضننا بالرغم من قذارتنا... إنه بيحبِّنا لأننا صنعة إيديه، مش عشان ميزة أو فضل فينا... بيقول إننا مش مستحقّين حاجة، بسبب أعمالنا... لكن مستاهلين نتحَبّ، عشان غلاوتنا...! رفض الحب – على الرغم من الاحتياج –... ممكن يكون إحساس بالدونيَّة بسبب قذارتنا... لكنه كمان ممكن يكون كبرياء، بسبب رغبتنا... في الحصول على مكافأة من الله، بسبب أعمالنا...! هيفضل قُرب الله منِّنا وتجسُّده، يفوق تصوُّراتنا... لكنه احتياج حقيقي لكل إنسان بعيد (زيِّنا كلنا)... كل إنسان حاسس بقلِّة قيمته بسبب خطاياه...! وهيفضل كمان تجسُّد الله سبب عثرة ورفض... من كل إنسان حاسس بقيمة أعماله وطاعته لوصايا الله... بدل ما يشوف ان طاعته لله، رد فعل لحبُّ الله ليه... مُصمِّم يشوفها تمن، عشان يحصل بيه على مكافأة الله ليه...! . فيه الله بقى أقرب لينا... وفيه نكون أقرب إلى الله... 
|
|
12 - 01 - 2022, 05:00 AM
|
رقم المشاركة : ( 2 ) | ||||
|
..::| VIP |::..
|
رد: الله تجسد فى صورة انسان
جميل جدا ربنا يفرح قلبك |
||||
|
|
|
13 - 01 - 2022, 02:03 PM
|
رقم المشاركة : ( 3 ) | ||||
|
..::| الإدارة العامة |::..
|
رد: الله تجسد فى صورة انسان
ميرسي علي مرورك الغالي
|
||||
|
|
 |
| أدوات الموضوع | |
| انواع عرض الموضوع | |
|
العرض العادي
