١٠ صفات للأصيل

[walaa farouk]

يعني اصيل و ابن أصول، اخلاقه أصلية، مش تقليد
، "مثبوتة علي طبعه" ، عايشة جواه و بيتنفسها ..

١-شاكر مش ناكر للجميل ، لو عملتله أقل خدمة او قلتله

ابسط كلمة يشيل لها لك العمر كله بامتنان ، و يردها لك أضعاف..

٢-عفيف اليد ، لا يمد ايده لحد و لا يقل من نفسه
و هو بيطلب حاجة من حد ..

٣-عفيف اللسان ، يجيب سيرة الكل بالخير ،
و يلتمس الأعذار للكل، و لا يقدر يعيب في حد لا قدامه و لا من وراه ..

٤-امين في وعوده و لو جه علي نفسه ، كلامه زي السيف و التزامه في مواعيده بالدقيقة و الثانية احتراما للكل..

٥-محترم ، مع الصغير قبل الكبير ، و القليل قبل العظيم ؛
بيعامل الكل بانسانية و تقدير ..

٦-سريع الاعتذار لما يغلط ، و عمره ما يكابر لانه عارف
ان الاعتراف بالحق من أهم الفضايل..

٧-متقن في عمله لاقي درجة، و بيعامل ربنا فيه قبل ما يعامل الناس..

٨- يعرف قيمة عيلته و شريك حياته و أولاده، و يقدر قيمة اصدقاؤه و يديهم حقهم ووقتهم و قدرهم ..

٩-خدوم حتي للغريب ، و لو حد قصده في طلب ما يردوش طول ما هو قادر عليه ..

١٠-امين في عبادته و حريص علي اتمام فضايله و أعمال الخير في الخفاء بتواضع امام الله مش الناس ..

[بشرى النهيسى]

موضوع جميل
الرب يفرح قلبك