الوعد مها طال وقت انتظاره لازم يتحقق في وقته

[walaa farouk]

أغلب البشر بيتفقوا أن الانتظار دا
حاجة صعبة جدا على الإنسان بصفة عامة
خصوصا لما ميكونش باين أن في أمل
أو حاجة بتتغير على أرض الواقع!..
زمان قبل ميلاد السيد المسيح بوقت قليل
كان في شيخ تقي متقدم جدا في الأيام
الرب كان وعده من زمان أنه مش هيشوف الموت
قبل ما يشوف بعينه الرب يسوع المسيح
مولود من العذراء مريم.. ويمكن مش بنفكر كتير
يا ترى سنين الانتظار الطويلة دي عدت عليه إزاي؟
كم مرة شك إن ممكن دا مايكونش حقيقة من الأساس،
إو إنه سمع غلط أو كان بيتخيل مثلا،
أو إنه وارد يموت عادي قبل ما يشهد ميلاد المسيح..
منعرفش عدى عليه كام سنة بالظبط وهو منتظر؟
ولا نعرف كان بيقول لنفسه إيه لما يشك ويبدأ يفقد الأمل
في تحقيق الوعد.
. لكن كل اللي نعرفه ومتأكدين منه
إنه في الآخر كل إحباطه وزهقه وفقدانه للأمل
مَرات كله اختفى لما شاف بعينه ومسك بإيده
المولود الرب يسوع اللي كانت شايلاه على ايديها
العذراء المطوبة مريم وداخلة بيه الهيكل..
ويعلمنا سمعان الشيخ أن الوعد مها طال وقت انتظاره
لازم يتحقق في وقته عشان زي ما بيعلمنا الكتاب المقدس
ويقول "لأَنَّ الَّذِي وَعَدَ هُوَ أَمِينٌ." (عب 10: 23)