ومين محلمتش تكون بطلة قصه زى راحيل

[walaa farouk]

ومين محلمتش تكون بطلة قصه زى راحيل!!
متعازه...ومرغوبه..مطلوبه لشخصها
يدفع من سنين العمر زى مايدفع رخيص ..
وهين قدام انها تكون للشخص ده..
وسط الملحمه "البينكيه" ذات الملصقات الورديه الحالمه
اسمحيلى اوقفلك عجلة التسبيل والتنهديد وازحلقك سؤال مهم
هو احنا فى مره وقفنا وسالنا نفسنا
هى راحيل عايزه تبقى فى القصه دى اصلا ولا هى كان مفعول بيها؟
انا مقدرة ارثك الثقافى اللى بيقول "خدى اللى بيحبك"
بس الحقيقى راحيل متذكرش عنها اى رد فعل
بقبول او رفض انبساط او حزن راحيل كانت "عادى "
.ودى المشكله انها "عادى"..!!
اوقات كتير بتتسرسب لينا افكار تبان مغريه للقبول
والموافقه وان جيتى للحق" للتباهى "
ان حد يتعب علشانى ...يقدم الكل.. يستحمل اوضاع ضاغطه.
طب بعد اذن الفنانه امتى دورها هيبدا ؟؟🤔😀
انتى فين.؟...وموقفك ايه ؟...
لا حضرتك انا جاى اتحب!!!😄
متحلميش بقصه انتى مش شخص فاعل فيها..مختاره اطرفها ..وناسجه تفاصيلها
زى ما مقبول انك تتعازى وتتحبى فكره (رومانسيه وآسره)
انك تكونى برضه بتختارى و طرف فعال..وليكى موقفك
هى قمة النضج والمحبة الكامله
متسلبيش منك حق انك تكونى بطلة قصتك..
متقبليش اى فكرة بتصادر حقك فى الاختيار وترسم تفاصلها من طرف واحد
متسمحيش لاى وضع تتلون فيه مواقفك بالوان باهته.. مايعه مش متحدد ملامحها
فى قصة يعقوب وراحيل ..ميغركيش حبكتها الدراميه
لان فى الاخر يعقوب ادفن مع ليئة لان المحبه العامله تحصد ثمرها ولو بعد حين
بحلملك بقصه تتباركى فيها بدور ..وتاثير ..وموقف واضح
بحلملك بقبول محب..او رفض واعى ❤️

[سندريلا الحياة]

فعلا لازم البنت يكون ليها دووور

[بشرى النهيسى]

ربنا يبارك حياتك و خدمتك