شمعـــه

[بشرى النهيسى]

شمعـــه

تقول الأم تماف إيريني
واحدة أسمها شمعة كانت متضعة جداً وكانت طول النهار تصلي وهي بتشتغل وطول الليل تصلي . شمعة دي كل الناس كانت تشهد لها . كان الشيطان يحاربها ويقول لها ياغُلبي منك يا شمعة بقى في السن الكبير دة معييكي ومكسرك وتغلبيني وتروحي الكنيسة .
كانت تعمل أكل وتاخده تحت باطها علشان توزعه يروح في الشارع يشنكل رجليها وتقع وكان يقول لها أنا مش عارف أعمل فيكي أيه فكانت ترد عليه بالغيظ فيك أنا رايحة للناس . يا ست يا عدرا ساعديني وفعلاً تيجي الست العدرا وتخلصها وتقوم وتمشي وتكمل مشوارها .
كان الشيطان ييجي في الصوم الكبير ويجيب لها ديك رومي ويقول لها إنتي عيانة يا شمعة ولازم تاكلي فكانت ترد يخزيك يا بعيد ، وترشم الصليب فيهرب . فضل يحاربها لغاية قبل ماتموت . ظهرت لها العدرا وقالت لها أنا طلبت من ربنا يريحك من الحرب دي شوية ، ترتاحي قبل ماتموتي
الحكاية دي تبين أد أيه الشيطان مهما عمل ما يقدرش يحارب الإنسان إللي ماسك في ربنا ومتسلح بالصلاة ..

[Mary Naeem]

رووووووووووعة
ربنا يفرح قلبك

[بشرى النهيسى]

شكرا جدا جدا
الرب يباركك