لية انا ارثوذكسي ومش هاتنازل عن الارثوذكسيه ؟ 👌🤞⁦بقلم ابونا داود لمعي هاقولك ليه

[توتا كمال]

ليه_انا_ارثوذكسي_ومش_هاتنازل_عن_الارثوذكسيه ؟
👌🤞⁦بقلم ابونا داود لمعي
هاقولك ليه بالتفصيل بس ركز معايا
-(انا ارثوذكسي) لان الارثوزكسيه هي المسيحيه اللي عاشها الرسل وسلموها للكنيسه الاولي والشاهد علي كده كتب الاباء اول 450 سنه عاشت المسيحيه بدون طوايف( كنيسه وحيده واحده مقدسه جامعه رسوليه )
بيصلوا قداسات وعندهم كهنوت وبيتعمدوا وعندهم صيامات وشفاعات وميطانيات وقديسين وقديسات وشهداء واباء
لما يجي واحد بعد 1500 سنه يشكك في المعموديه اقوله لا استني .. هل يوجد كنيسه اثريه تخلو من جرن المعموديه ؟
ياريت نلغي كبرياءنا وذواتنا ونشوف الاباء اللي عاشوا اول 450 سنه زي (اثناسيوس.... اغريغوريوس.... باسيليوس......) عاشوا ازاي .
سيبكوا بقي من الشعارات البراقه كلنا واحد. نحب بعض اه بس مش علي ايمان مغلوط
اسهل طريق للوحده المسيحيه نعود جميعا لاول 450 سنه للمسيحيه كما قصدها المسيح.
-( انا ارثوذكسي ) لاني استلمت الايمان من الكنيسه مش من الانجيل المسيحيه لم تبداء بكتاب بداءت بحياه بكنيسه قبل العهد الجديد مايتكتب .
اخطر بدعه تهدد المسيحيه بدعه (الانجيل فقط) لان حتي الشيطان ممكن يفسر الانجيل في التجربه علي الجبل قال (ارمي نفسك لانه مكتوب)
كل يوم بنضيف طايفه جديده لان كل واحد بيفسر بطريقته
بدعه خداعه طلعت 30000 طايفه في اخر 100 سنه
ده الفرق بين اثناسيوس اللي حارب بدعه اريوس .الاول كان كنسي والتاني كان كتابي بيفسر بدماغه من غير كنيسه ولا تسليم ولا مرجعيه ولا اباء .
لم يوجد انجيل اول 10 قرون الا داخل الكنايس .. مين اللي يشرحه ؟؟ الكنيسه.
ماكانش فيه انشقاق
لما بقي الانجيل في ايدين الناس والناس ابتدت تفسر بدماغها .. طلعت الشروحات العجب .
-(انا ارثوذكسي) لاني بانقاد بروح الله من خلال اباء الكنيسه ومعلميها وطقسها قياده بروح الله الحقيقي.
الماساه اللي بيقولوا الروح القدس بيقولهم .القديس يوحنا عاصر الماساه دي وحامي عن الايمان وقال امتحنوا الارواح مش كل واحد يقولك الروح القدس قالي يبقي روح قدس.
الروح القدس هايقول رساله واحده في كل الاجيال .
اللي لغي الاسرار لسه بيقول الروح القدس هو اللي بيحركني !!!!
الاسرار هي عمل الروح القدس في الكنيسه هو اللي بيرسم الكاهن وبيعمد علي ايد ابونا وبيقدس من خلال ابونا .
بعد 1500 سنه عايز تلغي كل الاباء دول ؟؟
انت مرجعيتك النص انا مرجعيتي التسليم . الارثوذكسيه تسليم عايشينه قبل مانقراه ..
من الاخر كدا .. الارثوذكسيـــه هـــي المسيحيــــه ...

[walaa farouk]

مشاركة مثمرة
ربنا يفرح قلبك

[بشرى النهيسى]

فى منتهى الروعه

الرب يفرح قلبك

[Mary Naeem]

مشاركة جميلة جدا
ربنا يبارك حياتك