|
 |
 |
 |
|
رقم المشاركة : ( 1 )
24 - 08 - 2021, 05:46 PM
|
|||||||||||
|
|||||||||||
 وفيما نحن نحيي ذكرى آلامك المقدسة. وقفت أمام جراحات وآلام أخرى وهي آلام قلبك الطاهر ياأم النور.. خبريني ياامي عن السيف الذي اجتاز قلبك الطاهر كيف احتملتي تلك آلام المميتة التي مزقت قلبك الطاهر الممتليء امومة وحباً.. فإنها ليست آلام وسيفا واحداً بل 7 سيوف والامات احتملتيها منذ قبولك البشرى بولادة مخلص العالم.. فاسمحيلي ياامي انا امتك الخاطئة أن اعزيكي واشترك واتامل في أحزانك والسيوف التي اخترقت قلبك الطاهر... منذ اللحظة الأولى التي قبلتي بها البشارة بالولادة احتملتي كلام الناس فتاة عذراء حبلى حتى يوسف شك في قلبه حتى ظهر ملاك الرب في حلم.. الهروب إلي مصر: جري من بلد لبلد خوف ورعب مجرد سماع صوت أحصنة، عدم استقرار من مكان لمكان مين واحدة فينا تستحمل بشكر كمان وبدون شكوي او تذمر، اية كم الآلام والخوف والرعب اللي وجعوا قلبك ياامي ده.. نبؤة سمعان الشيخ: بتخيل رايحه اعمد ابني والاقي ابونا بدل ما يقولي مبروك يقولي ده انتي هتشوفي ايام صعبه وهيدخل سيف في قلبك ياااااه اية كم الخوف والالم ده اللي يعصر قلبي بمجرد وقوع كلمة من رجل بركة وفضل عايش سنين لحد ما يشوف المسيح... فقدان يسوع في الهيكل 3 ايام: 3 ايام مش لاقيه ابنك يااااااه ده انا ابني تاه مني نص ساعة كنت هتجنن واغمي عليا ما بالك انتي 3 ايام مش لاقيه وبتدوري عليه في كل مكان مش لاقياه ، خوف وقلق واضطراب وذعر الم اعتصر قلبك.. وتبدء الالام الأكبر في حفظ كل شيء والصمت الصمت الكبير وحفظ كله في قلبك.. كم احتمل قلبك وانتي بتشوفي الناس اللي لسه من كام يوم فارشين القمصان وسعف النخل والاغصان تحت قدمي ابنك وحبيبك وبيقلوله أوصانا ياابن داوود، مبارك الاتي باسم الرب، هما هما نفس الناس اللي بيقولوا اصلبه اصلبه واطلق لنا باراباس.. شوفتي التلميذ اللي انكر واللي باع وخان وكلهم هربوا وسابوا ابنك حبيبك وحده يجروا كهنه اليهود، صدمتك فيهم ازاى تسيبوا ابني وحده مش ده اللي كنتوا معاه سنين ماشيين وياه دلوقتي تسيبوه وحيد،، شوفتي ابنك بيجلدوه ويضربوه ويهينوه ويحطوله تاج من شوك فوق جبينه وهو اللي في ايده كل الكون ملك الملوك ورب الارباب يتنازل عن كل ده علشان يقبل ده لخلاصنا اااااه ياامي اية كم الاحتمال للآلام ده.. وطريق الصليب شوفتيه حاضن صليبه كشاه تساق للذبح لم يفتح فاه ويقع بيه قدام عنيكي ويضرب تاني ويجي عند الجلجثه ويتصلب ويعلق علي خشبه وتسمعي كل الاهانات والسخرية من اليهود وهما بيقولوا خلص نفسك لو كنت انت ابن الله انزل الآن من علي الصليب... ايه كل العذاب ده شايفه وسامعه ده كل ده بعينك وقلبك .. وكمان بيوصي حد غيره يبقي ابنك ويقوله دي تبقي امك.. ااااه ياامي كل اللي قولتيه العالم كله يفرح بالخلاص اما احشائي تلتهب عند النظر الي صلبوتك الذي انت صابر عليه ياابني والهي... يااااااه مجرد التخيل فقط قلبي اعتصر مابالك انتي ياامي اعزيكي ياامي فاحزانك والآلام التي اخترقتها قلبك الطاهر سيوف والامات عظيمة فحزنك يامريم لو تقسّم علي العالم أجمع لماتوا فورا من شدة الألم.. اذكريني ياامي واسنديني وهيئي لي اسباب التوبة ايتها السيدة العذراء وعند مفارقة نفسي من جسدي احضري عندي ولمؤامرة الاعداء اهزمي ولابواب الجحيم اغلقي لئلا يبتلعوا نفسي ياعروس بلا عيب للختن الحقيقي، علميني اعزي قلبك الكلي الطهر والقداسة واشترك معكي في احزانك وافهمها لتكون سبب في تبكيتي علي خطاياي الكثيرة ولغفران خطاياي ولابطال كل حيل ابليس اللعين وأعوانه. 
|
 |
| أدوات الموضوع | |
| انواع عرض الموضوع | |
|
العرض العادي
