14 - 08 - 2021, 07:41 PM
|
|
|
|
..::| الإدارة العامة |::..
|
|
|
|
|
|
أنا مصر الأهرامات أنا شبرا والعباسية
أنا الفول و الطعمية..أنا طشة الملوخية
أنا الكشري...أنا البصاره بالتقلية
أنا الكحك والبسبوسة أنا بطاطا مشوية
و كوز ذرة علي كورنيش إسكندرية
أنا لمة حلوة علي طبلية ولقمة هنية تكفي ١٠٠
أنا الخلخال ف رجل بهية
أنا أم كلثوم وحليم، نشيد وطني وأغنية
أنا خان الخليلي و القطامية
أنا جاردن سيتي و بولاق والغورية
أنا شارع محمد علي والالأتية
أنا الليله الكبيرة...أنا باليه وسمفونية
أنا الأوبرا ...أنا سور الأزبكية
أنا قصر الشوق و السكرية
أنا أسوان وشوارع وحواري مندية
أنا ولدي صعيدي بحراوي ومن الشرقية
صياد فلاح أفندي ببشرة سمراوية
يفلح بفاسه ويحرس حدودي بالبندقية
أنا رحلة نيل بفلوكة ونسمة صيف معدية
أنا غيطان خضرة و شمس دهبية
أنا عيون عسليه وبسمة علي شفايف قمحية
أنا أذان فجر أنا جرس كنيسة و كاتدرائية
أنا ميلاد مسيح أنا مولد نبي عروسة وحمصية
أنا مصر الحب، مصر الوسطية
شعبي صاحب النكتة والجدعنة والرجولية
أنا أم الدنيا بحضن كبير كله حنية
هتعملوا إيه يا مصراوية
ناويين علي حب ولا كراهية
الدنيا عينيها عليكم مستنية
|
