|
 |
 |
 |
|
رقم المشاركة : ( 1 )
06 - 08 - 2021, 07:28 PM
|
|||||||||||
|
|||||||||||
|
كلنا فاكرين حصة الاملاء لما كنا نسمع قطعة من درس مثلا ونكتبه بسرعه ورا الاستاذ . كان فيه دايما سؤال بنسأله كتير " السطر خلص يا استاذ اكمل عادى فى السطر اللى بعديه ؟ " ومن الجمل المشهورة كمان "نحط نقطة و نبتدى من اول السطر " حياتنا عبارة عن درس إملا كبير شوية .. فينا اللى بيكتب صح ورا الاستاذ وفيه اللى بيغلط فى حروف ويصلحها وفيه اللى كلامه مليان اخطاء املائية وكان فيه جملة مريحة جدا وبننبسط لما الاستاذ يقولها " نحط نقطة ونقفل الكشكول وهاتتوه علشان يتصحح " ومع انها بتعلن الراحة من شدة الاعصاب والامتحان الصعب علينا ده ... لكن برضو كانت بتخوف وتقلق لان معناها انك هتتحاسب دلوقت على اللى كتبته .... ياترى كان زى ما الاستاذ عايز ولا كاتب اى كلام من دماغك ؟ خلاصة الكلام كتير بنتضايق ان فيه ناس اتحطت فى حياتها نقطة واتقفل الكشكول وراح يتصحح .. لكن احيانا بنبقى واثقين فى شطارتهم فى الإملا الحق الدرس وهو بيتقال وصلح غلاطاتك .. وركز فى اللى ربنا عايزك تكتبه قبل ما يجى الوقت اللى يتقالك فيه "نقطة واقفل الكشكول" على قد ما انا جوايا حزن على فراقه ... لكن انا باحسده إنه عرف يتملاها صح وخلانى اراجع حاجات كتير فى الإملا بتاعتى 
|
 |
| أدوات الموضوع | |
| انواع عرض الموضوع | |
|
العرض العادي
