ايه عصايه الكلاب اللي انت جاي بيها دي

[walaa farouk]

ايه_عصايه_الكلاب_اللي_انت_جاي_بيها_دي!؟

ده رد فعل الرئيس جمال عبد الناصر ف مقابلة البابا كيرلس
بس ربنا عرفه اي يعني البابا كيرلس
تعالوا نعرف معجزة جميلة من معجزات قداسة البابا كيرلس السادس

ايام الرئيس عبد الناصرفى اول لقاء له مع البابا كيرلس كان الريس مش طايق البابا ولكن بالعافية اتحدد معاه ميعاد للمقابلة
ولما راح البابا للريس ومعه بعض رجال الكنيسة .دخل عليه عبد الناصر وقالله ايه ده انت جاى وجايبلى عصاية الكلاب معاك.عايز ايه انت؟هما الاقباط عايزين ايه؟انت جاى ليه؟؟
البابا رد وقاله هى دى المقابلة بتاعتنا؟هى دى القهوة بتاعتى؟
وراح البابا رفع راسه وبص لفوق وقال احكم يارب للمظلومين
وخرج البابا من عند الريس ومشي
عزمى سواق البابا سال سيدنا
قابلت الريس يا سيدنا؟
قابلته يا عزمى ياابنى
وقعدت معاه وقولتله على كل حاجة يا سيدنا؟
البابا قاله اسكت يا عزمى ياابنى..ارجع بينا على البطرخانة
وبعدين البابا قاله امشي يا عزمى يا ابنى بينا على مصر القديمة -
وصل سيدنا الى كنيسة الشهيدة بربارة
ونزل عزمى يخبط على باب الكنيسة ماحدش فتح
بعدها نزل البابا وخبط بالصليب على الباب وقالها افتحى يا بربارة ياابنتى افتحى انا كيرلس خادم مارمرقس
لقيوا الباب بيزيق ويتفتح
والبابا وقف امام ستر الهيكل وقال يرضيكي يا بربارة ياىابنتى يرضيكي يقول على العصاية بتاعتى عصاية الكلاب وطردنى وقاللى امشي؟؟
اعمل ايه دلوقتى؟
عزمى السواق وقف يقول للبابا طيب وهى الشهيدة بربارة هتعمل ايه يا سيدنا؟
البابا قاله انت مش صعيدي يا عزمى ياابنى ؟؟ انت مش صعيدي؟؟ مش بيقولوا ف الصعيد لما تغلب ف واحد سلط عليه واحدة...انا جاى اسلط بربارة على عبد الناصر
ورجع سيدنا على البطرخانة
وعالساعة 9 مساءا لقوا كبير الياوران جاى وبيسال على سيدنا؟
رد عليه تلميذ البابا - سليمان رزق - وقاله مش هاقدر اخبط عليه دلوقت
قاله كبير الياوران
يعنى ايه اروح اقول للريس ما قدروش يخبطوا عليه؟....خبط خبطة خفيفة كده
فوجئوا ان البابا طالع وماسك ف ايده عصايتين وبيقول لكبير الياوران ينفع اجى معاك كده؟
قاله ينفع ينفع يا سيدنا حتى لو عايز تجيب كل العصيان اللى عندك
وصل البابا عند الريس وجده قاعد بملابس غير رسمية وف حالة إعياء تصل الى الموت
البابا مد ايده على قلب الريس ودعك قلبه وقال للريس احنا بنقول ان قلب الريس فى يد الله وانا باخد بركة
ومن وقتها الريس قال للبابا انت ابويا وولادى ولادك وانت تيجي ف اى وقت انت عايزه ..ومن ذلك الوقت بدأت علاقة صداقة قوية بين عبد الناصر والبابا كيرلس السادس ...