|
 |
 |
 |
|
رقم المشاركة : ( 1 )
26 - 04 - 2021, 09:34 PM
|
|||||||||||
|
|||||||||||
 حد بعتلي الصورة دي وكاتب تحتها الكلمتين دول ده منظر إله بذمتك ؟ إله ايه ده يابني اللي بتعبدوه وهو متبهدل كدة ؟ إله ايه ده اللي مش قادر حتى يصلُب طوله ؟ هو في إله بيتضرب ؟ في إله بيتعرّى ويصرخ ويموت ؟ في إله مش عارف يدافع عن نفسه ؟ اللي أعرفه أن الألهة مستريحة ... قاعدة على عروش .. بتخدم عليها ملايكة وبشر ألهة عايشة في سماواتها مش هنا بصراحة إلهك مايشرّفش ... إله يكسف اللي بيعبدوه للأسف إلهك ضعيف يا صديقي سكتّ شوية وانا بتفرج على الصورة دي ولقيتني ابتسمت ورديت بالكلمتين دول " إلهي مش ضعيف ياصديقي ... إلهي بس بيحبني إلهي من كُتر ما حبني قرر يستغني عن " المناعة الإلهية " ضد الألم ونزل عدّى فيه بنفسه إلهي لما شافني " عكيت " ماسبنيش وانفصل عنّي .ده نزل وفدانى وشال عنى خطاياى إله داق يعني إيه خيانة ... وظلم ... ووجع ( نفسي وجسدي ) وحتى الموت داقه عشاني إله مش غريب أو بعيد عني إله أقدر أحكيله تفاصيل تعبي وجرحي وأنا مطمن أنه فاهمني لأنه عدّى في كل ده زيي إلهي لما قالي " بحبك " كان يقصدها وقدّها ... حتى لو للموت مش مهم ... هايكمل عشان يثبتهالي إلهي كان شايفني غالى عنده إلهي نزل واخد صورتي عشان بس يخلصنى من الموت الابدى ليا الشرف أن ليا إله بيحبني للدرجة دي عشان كدة مطمن عمرى ما هابقى لوحدي عمر ما حاجة هاتبعدني عنه أو تخليه مش عارف يوصلي ، حتى الموت مبقاش يقدر يفصلني عنه إلهي_مش_ضعيف_يا_صديقي_إلهي_بس_بيحبني منقول.... 
|
 |
| أدوات الموضوع | |
| انواع عرض الموضوع | |
|
العرض العادي
