مكسب قريب و لا مكسب بعيد ؟

[walaa farouk]

فيه حسبة اغلبنا ما بيدركهاش الا بعد فوات الأوان
، اسمها "مكسب قريب و خسارة بعيدة " ..

منها ..
الغضب تكسب منه قريب التشفي و إحساس الفرح بالانتقام
، لكن علي المدي البعيد تخسر أعصابك و علاقاتك و سلام نفسك ،
و تربي عداوات و تحاملات و مشكلات ..

كده برضه الشهوة تكسب منها لذة و متعة ،
لكن علي المدي البعيد تخسر أخلاقك و راحة ضميرك
و عيلتك و صحتك و امانتك و امانك ..

و السرقة ، تكسب منها شوية فلوس علي مقتنيات ،
لكن علي المدي البعيد ما تتهناش باللي خدته ،
و تخسر سمعتك و ثقة الناس و رضي ربنا ..

و كده بقية الرذايل كلهم ..

اما اللي بيحب الفضيلة، الحب و التسامح و الأمانة و طولة البال ، يخسر في الأول شوية مجهود و معاناة و احتمال.. لكن علي المدي البعيد يكسب رضي الله و حب الناس مع راحة البال و الضمير ..

و الحسبة متروكة لحسن تقديرك !!