تأمل في سفر ميخا (الاصحاح 3، 4)

[Mary Naeem]

تحذير و توبيخ لقادة إسرائيل

• في الجزء التاني، ميخا بيكمّل أمثلة لخطايا قادة و أنبياء إسرائيل و إزاي كلهم اجنمعوا ليصنعوا ظلم كبير جداً
  
• (إصحاح 3): الرشوة – تعويج القضاء لصالح الأغنياء ... بينما الفقراء بيُسلب منهم أرضهم و أمنهم ... طبعاً ده عكس تماماً وصايا ربنا في الشريعة اليهودية، إن الأرض ماينفعش تتباع حتى لو صاحبها افتقر (لاويين 25 : 23)
  
• (إصحاح 3 آية 12): بالتالي عقاب ربنا هيأتي ... في صورة أمة قوية و عنيفة ... تسبي مملكة إسرائيل و تهدم هيكل أورشليم
  
• (إصحاح 4 : آية 1 ل 7) برضه بعد التحذير و العقاب يأتي الرجاء ... ميخا بيقول إن ربنا هايبني بيته تاني في أورشليم الجديدة (كنيسة العهد الجديد) و يسكن فيه بمجده وسط شعبه الذي يتّقيه ... و تأتي كل الشعوب لأورشليم الجديدة، فيملك ربنا على الأرض كلها و تعرف الأرض كلها ربنا، و يملا السلام الأرض كلها

نتعلّم إيه؟
دايماً فيه رجاء في ربنا ... ربنا بيؤدّي حتى ينقّي (تأديباً أدّبني الرب و إلى الموت لم يسلّمني) ... و بعد التأديب لو فيه توبة يبقى أكيد فيه خلاص و راحة
يا رب ما أعظم محبّتك و رحمتك ... تؤدّب كالأب و تشفي كالطبيب ... حتى لا يضلّ الخروف أو يهلك الابن