هوشع (الله يخلّص)

[Mary Naeem]

هوشع (الله يخلّص)






عن الكاتب

• معنى الاسم: الله يخلّص (نفس معنى يسوع و يشوع) ... و السفر فعلاً بيقدّم لنا الله المخلّص لشعبه
  
• فترة النبوة:
  • هوشع من أنبياء قبل السبي.
  • عاش في مملكة إسرائيل (مملكة الشمال) بعد حوالي 200 سنة من تقسيم المملكة (لمملكة الشمال إسرائيل و مملكة الجنوب يهوذا، في عهد الملك رحبعام ابن سليمان)
  • هوشع النبي عاصر إشعياء النبي ... تنبأ قبل السبي و حضر سبي مملكة الشمال

عن السفر

• عدد الإصحاحات: 14
  
• ظروف الكتابة:
  • هوشع تنبأ في عهد واحد من أسوأ ملوك إسرائيل (يربعام التاني) ... وقتها كان فيه فوضى في المملكة (قبل ما مملكة أشور تسبي إسرائيل سنة 722 ق.م.)
  • سفر هوشع بيمثّل حوالي 25 سنة من خبرته و كتابته و نبوّاته
  
  
• السفر موجّه لمين؟ لمملكة إسرائيل ... لكن بنفهم من آخر آية في السفر إنه الكلام صالح لكل زمان، و بالتالي السفر موجّه لكل إنسان
  
• هدف السفر: بيفهّمنا قصد ربنا كأب محب للبشرية عايز ينقذها و يشفيها من الكسر و الخطية اللي فيها
  
• مفتاح فهم السفر:
  • مملكة إسرائيل في الوقت ده كانت بعيدة عن ربنا و فيها خطايا و مظهرية كتير ... لسّة مكانتش ضعفت جداً عسكرياً لأنها كانت متوكّلة على أشور و مصر
  • ربنا أوّل وصية قالها للشعب: "تحب الرب إلهك من كل قلبك و فكرك و قدرتك. لا يكون لك آلهة أخرى أمامي" ... كسر الوصية دي معناها رفض تام للطريق بتاع ربنا