لكل يوم زوّادة: قولوا أغلاطكون بسر الإعتراف : 6 / 11 / 2020 /

[souad jaalouk]

لكل يوم زوّادة: قولوا أغلاطكون بسر الإعتراف

بيخبروا عن دوريّة فيها شرطي عم يبرم على مخالفات السواقة ، فجأة لمح سيارة فاتت بمفرق بسرعة فكّر حرامي هربان، لحقها و وقّفها. طلع شاب زغير قد ابنو للشرطي. سألو ليش عم تسوق بسرعة؟
ردّ عليه الشب خيفان عندي محاضرة بالجامعة وتأخّرت. قلّو الشرطي: ليش ما مشيت قبل بوقت و حسبت حساب الشتي، لازم تفكّر بكل شي!
اعتذر الشب و قلّو للشرطي معك حق انا التهيت عم بلعب عالتلفون ما انتبهت للوقت.
الشرطي ما كان الو قلب يعملو ضبط بس علّمو الدرس المطلوب و قلّو يروح و ينتبه مرّة تانية عالوقت و عالسرعة و فهمو انّو سامحو لأنّو قال الحقيقة ما كذب. اوقات ربنا متل هالشرطي بينبّهنا بس نغلط و بيدلنا عالصحّ و بيسامحنا و بيعطينا فرصة نصلّح غلطنا...قولو اغلاطكن بسر الإعتراف لتنالو الغفران، فرصة التوبة و الخلاص ناطرتكن!

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب