لما حتت منك تروح

[walaa farouk]

.

و يا ما أجزاء منا راحت ..

لما واحد يظلمك أو ياكل حقك حتة منك بتتكسر..

و لما واحد يدوس علي كرامتك و يهينك بكلمة قاسية
أو شتيمة مهينة أو يعايرك أو بفقرك أو بنسبك أو بعقيدتك حتت تاني بتروح منك ..

و لما واحد يا تري عليك و يشهر بسمعتك
حتت كبيرة من نفسيتك بتروح ..

و لما واحد يتعالي عليك و يستغل مركزه و عزوته
و يتجبر عليك و يقل كرامتك و يكسرك
و هو عارف انك مش ح تقدر ترد عليه ، أجزاء تانية بتروح منك ..

كمان لما وحد يسيبك وسط عوزك
أو يستهون باحتياجك أو يخون العشرة و يدي لك ضهره
حتت اكتر بتروح منك ..

و علي ما تلملم جراحك و تسترد اللي راح ، العلاج بياخد زمن ..

اوعي تكون واحد من الناس دي ، اللي شوهت حياة غيرها
، و نهشت لحمهم و شوهت نفسياتهم ..

لكن خليك يد الله اللي تداوي الناس ، و تحس بيها و تسمعهم و تقدر مشاعرهم و تداوي جرحهم العميق ، و تساعدهم يستردوا نفسياتهم اللي راحت بسبب ظلم الايام ..

لكن ح يبقي ربنا بس اللي بيرد لك نفسك (مزمور ٢٣) ..
هو اللي يقدر يرجع لك اللي راح منك ، في لحظات الصلاة و التعزية و زيارات النعمة ..

[مورا مرمر]

موضوع رائع
ربنا يباركك

[walaa farouk]

ميرسي علي مرورك الغالي