|
 |
 |
 |
06 - 08 - 2012, 10:32 AM
|
رقم المشاركة : ( 82 ) | ||||
|
| غالى على قلب الفرح المسيحى |
|
رد: سعدية وميدو
الحلقه الحاديه عشر فى اخر يوم قرروا انهم ينزلوا يعملوا شوبنج وباليل هيروحوا مسرح ندى: سعديه يلا البسى علشان نروح نشترى شويه حاجات سعديه : طيب انا خلصت لبس يلا وخرجوا وهمه بيتمشوا بيشتروا الحاجات الى عايزينها قابلوا الاستاذ ميدو والهانم جنى سعديه: بت يا ندى الحجى شوفى مين الى هناك ده ندى : اه دا جنى وميدو سعديه : يادى اليوم لاسود انا كارهاهم همه لتنين انا لو اعرف ان الرحله المطينه دى فيها البت جنى والى هتعمله ده مكنتش وافجت انى اجى من الاول ندى : خلاص اعملى نفسك مش شيفاهم سعديه : ايوه يا بت صم بكم عمى لايرون ولا يسمعون امشى بس ايه ميدو طبعا شافهم وجه يجرى ميدو : ايه ده انتوا هنا انتوا مش شايفينا سعديه: يادى النيله برص وسحليه ماشيين هنشوفهم ازاى ولو شفناهم نضربهم ونمشى ميدو : ليه كده بقى مش كنتوا تقولوا علشان نخرج سوى ندى : احنا منعرفش انكوا انتوا خارجين سعديه : لا عارفين بجى ومش هنخرج معاكوا جنى : ليه بقى يا انتى سعديه : بصى وحياه ابوكى الحج ابو جنى انا معايزاكى تفتحى حنكك ده ولا تنطجى عارفه ليه جنى : ليه سعديه : علشان صوتك وحش بيلم الناموس وكل الحشرات الوحشه وكمان علشان خايفه عليكى ممكن اعملك عاهه ومحدش يبصلك وتجعدى فى وش مامتك واخد زنبك وتتحسبى عليا وحده ندى : بصوا احنا هنشترى حاجات لو انتوا هتشتروا حاجه يلا ولو رايحين مكان تانى يبقى باى بقى ميدو : لا احنا هنروح معاكم سعديه : هى لزجه بغرى يوم منحوس بهباب وهمه بيشتروا حاجات جنى اختارت طقم بس ايه مفتوح اوى وقصير سعديه بتبصلها من فوق لتحت وماسكه نفسها بالعافيه ونفسها تتكلم وسعديه اختارت عبايه خروج جميله وقالت هشتريها طبعا جنى بتجيبه لنفسها دايما مش عجباها العبايه بتعتبره لبس فلاحين فعلقت على العبايه ربنا يستر جنى : ايه ده الى انتى هتلبسيه سعديه : مالها ياختى مش عجباكى ندى : دى جميله اوى وشيك جنى : جميله ايه دى زى الخيمه فعلا فلاحه سوفاج سعديه : يخرب بيتك ايه الى بتجوليه ده يا بت يا انتى جنى : متغلطيش انتى متعوده تجيبى لبسك من التوحيد والنور ولا ايه سعديه : التوحيد والنور احسن منك يا يا بت ده انتى لاجئه فى سوج الجمعه وسوج التلات وكل الاسواج الى بتبيع اللبس الجديم جنى : ده انا لبسى مش بجيبه غير من احسن مول فى البلد سعديه : لا واضح ده شعبان عبدالرحيم اشتكى منك بيجول انى كل ما اروح الوكاله الجي جني الشحاتةو كمان مش بتشترى جنى :اية اللبس المفقرف دة اللي انتي منقياه دة سعديه : مش احسن من الجيبه الى انتى لابساها بتاعت اختك الصغيره دى صح ولا انتى مكنش معاكى فلوس تكمليها ندى : عيب كده بقى انتو الاتنين ميدو : جنى انتى غلطانه انتى مالك تلبس الى تلبسه سعديه: ماهى لازم تنسحب من لسانها ام سحلول دي جنى : وانت مالك يا ميدو زعلان ليه عليها سعديه : يومك اسود وهو الى يجول الحج يبجى ماله ولا شايفانى بحب فيه ياختى ومسبلاله عنيا علشان كده بيجلك عيب ميدو : خلاص يا سعديه حقك عليا انا سعديه : ولا حجى عندك ولا عند الجيران انتهينا ندى: لا معلش لازم تتصالحوا ندى وميدو صالحوا سعديه وجنى وخدوا فتره هدنه بس اشتروا الحاجه وراحوا الفندق علشان يستعدوا لخروجه المسرح بقى وباليل بدأ الاستعداد ندى وسعديه لبسوا وميدو جهز ورن عليهم ردت عليه ندى قالتله احنا جاهزين بس لسه جنى قالها طيب انا مستنيكوا تحت طبعا الكلام ده كان الساعه 6 والمسرح معاده 9 ندى : يلا يا جنى ميدو مستنى تحت جنى : اوك استنى علشان اخلص طبعا جنى لبست ووقفت قدام المرايه تجهز سعديه اعده تبص عليها ومتغازه اوى منها وبتكلم فى سرها بتقول : يادى النيله ايه لبس العيال الى هيا لابساه ده وفرحانه جوى بالعصايتين الى سيباهم عريانين دول البت دى ايامها هباب مش هتورد على جنه يادى النيله وايه كمان ده الى بتحطه فى عنيها سته وستين لون اسود واخصر واصفر وابيض هو ايه الهباب ده عملت زى العفريته الوحشه ندى : يا جنى يلا الساعه 7 سعديه : انتى يا سكر بجالك ساعه بالظبط فى عنيكى الحمضانه دى بجت عامله زى البيضه الممششه يلا جنى : استنوا بقى متلخبطونيش سعديه : على اساس ان انتى بترسمى لوحه فنيه ومركزه فيه يلا ياختى يا ننوسة عين ماما اتاخرنا فضلوا اعدين مستنين لغايه الساعه 8 ونص وسعديه وندى متغازين اوى وميدو كل شويه يرن سعديه : انتى يا بت يا ام بوز فجرى والله ان ما نزلتى دلوجتى لا هنسيبك ونمشى جنى : خلاص انزلوا وانا جايه وراكوا نزلت سعديه وندى ميدو : ايه يا جماعه كل ده امال فين جنى ندى : لا دى معاها ربنا و10 ملايكه فوق سعديه : لا ياختى دى معاها 10 شياطين بيوزوها تلخبط وشها ميدو : هى بتعمل ايه كل ده سعديه : بتعمل المتحف المصرى فى وشها لسه مستنيه امون حتوب يجى يتمم عليه جنى نزلت بعد اما طلعت عينهم طبعا وراحوا المسرح تعالوا نشوف الحلقه الجايه هيحصل ايه؟؟!! |
||||
|
|
07 - 08 - 2012, 07:17 PM
|
رقم المشاركة : ( 84 ) | ||||
|
† Admin Woman †
|
رد: سعدية وميدو
هههههههههههههههههه
سعدية دي عسل لاخر دي المفروص كانت نعملها تمثلية فى رمضان ربنا يفرخ قلبك يا قمر |
||||
|
|
|
07 - 08 - 2012, 09:54 PM
|
رقم المشاركة : ( 86 ) | ||||
|
| غالى على قلب الفرح المسيحى |
|
رد: سعدية وميدو
انا جيييييت....
الحلقه الثانيه عشر وصلوا المسرح كانت حوالى الساعه 9ونص كانت المسرحيه بدأت والتاخير بسبب الهانم جنى سعديه : يومك اسود انهارده يا فجريه المسرحيه بدات بجالها وجت طويل كله بسب حضرتك جنى : محصلش حاجه يا ماما لسه بدرى سعديه : بدرى من عمرك الهى يجصف عمرك جادر يا كريم ندى : تعالوا بقى قبل اما المسرحيه تضيع علينا كلها سعديه: طيب وحياه الغاليه امى انا هسيبك دلوجتى بس لغايه اما المسرحيه تخلص بس وشوفى اما نخرج هعمل فيكى ايه علشان الوجت الى ضاع واحنا بنستنى السفيره عزيزه اما تخلص لخبطه فى ان ما خليتك تلمى عضمك باديكى مبجاش انا سعديه بنت ام سعديه دخلوا واعدوا سعديه بقى اما شافت عادل امام فرحت اوى سعديه : هااااااااااااااااااااااااااا واعدت تسقف وتزغرط لولولولولولولولولولولولى مش مصدجه نفسى عشت وشفت الزعيم عادل امام يادى اليوم لابيض ندى: ايه يا سعديه بس الناس بتبص علينا سعديه : بس يا بت مليش دعوه بحد فينك يا بوى تعمل يافطه وتعلجها على باب الكفر ويجول بتى سعديه شافت الزعيم بزات نفسيه ده العمده لو عرف هيموت بسكته ميدو : بس يا سعديه انا هخليكى كمان تسلمى عليه سعديه : بجد يا ولا ميدو : ايوه بجدوتتصورى معاه كمان سعديه: ايوه واكبر الصوره واعملها متر فى متر واعلجها على باب الدوار ندى : اعدى بقى نشوف المسرحيه واعدوا اما خلصت المسرحيه ميدو اخد سعديه وندى وجنى وراحوا يسلموا على عادل امام سعديه جريت عليه واعدت تسلم عليه ووقفت جمبه وقالت لميدو يصورها وخرجوا من المسرح وهى فرحانه اوى ونسيت العلقه الى كانت هتاخدها جنى منها الحمد لله ربنا ستر بقى ميدو قالهم تعالوا نتعشى وبعدين نروح دخلوا مطعم جميل اوى علشان يتعشوا وهمه داخلين جنى : سعديه خدى امسكيلى الشنطه دى سعدية : ليه وانتى مفكيش ادين ولا اتشليتى هاتى ياختى دخلوا واعدوا وطلبوا الاكل وكلوا وطلبوا ايس كريم حلو جنى بتستفز سعديه جنى : هو انتى تعرفى تاكلى الايس كريم ده سعديه : لو باكل يبجى باكل جله زيك جنى : ما اظنش سعديه : لا ظنى احسن اعرفك ازاى تظنى ولا انتى نفسك تاخدى العلجه الى انا فرحتى خليتنا نسيتها جنى : لا متعرفيش وبعدين كانت فى فلوس هنا فى الشنطه انتى اخدتيها سعديه: انا اخد منك انتى فلوس هو انا حراميه زيك يا بت ياانتى ندى : بجد عيب يا جنى جنى : ايه يا جماعه انا بهرج سعديه : تهرجى تخلينى حرميه وكمان بسرج فلوسك يخرب بيتك والله انا جولت ان نهايتك على يدى يا بت ده لو ابوى عرف انى اتهمت التهمه دى ياجى يجتلنى ويتاوينى مش زيك انا حراميه يا .................... جنى : شوفى مين بقى ................. احترمى نفسك يا جربانه سعديه : انا جربانه ده انتى لو مش بتخلبطى وشك كده علشان تبجى حلوه كنتى فزعتينا انتى لو غسلتى وشك والناس شافتك هتجلك انصرفى سلام قول من رب رحيم جنى : مش هرد عليكى فعلا فلاحه سعديه : انا جولت ايامك جله وليلتك هباب تانى كلمه فلاحى طيب خدى وضربتها بالايس كريم فى وشها وجنى طبعا صوتتت وكانت ليله فى المطعم ميدو وندى مش عارفين يتصرفوا ازاى ولا يعملوا ايه بس الحمد لله اليوم عدى على خير وتانى يوم كان السفر لمصر تعالوا نشوفوا حصل ايه تابعونا الحلقه الجايه |
||||
|
|
|
07 - 08 - 2012, 10:39 PM
|
رقم المشاركة : ( 87 ) | ||||
|
† Admin Woman †
|
رد: سعدية وميدو
هههههههههههههههههههههههه ضحكتنى اوى سعدية فى الاخر لما قالت بتعمل المتحف المصرى فى وشها لسه مستنيه امون حتوب يجى يتمم عليه هههههههههههههههههههههههههههههههههههههههههه |
||||
|
|
|
07 - 08 - 2012, 10:43 PM
|
رقم المشاركة : ( 88 ) | ||||
|
† Admin Woman †
|
رد: سعدية وميدو
خسارة الايس كريم فى وشها هههههههههههههههههه
|
||||
|
|
|
08 - 08 - 2012, 04:58 AM
|
رقم المشاركة : ( 89 ) | ||||
|
..::| VIP |::..
|
رد: سعدية وميدو
شكراً على مشاركتك الجميلة
ربنا يبارك حياتك |
||||
|
|
|
08 - 08 - 2012, 09:21 AM
|
رقم المشاركة : ( 90 ) | ||||
|
..::| VIP |::..
|
رد: سعدية وميدو
هههههههههههههههه بجد الحلقتين جامدين قووووووووى سعديه دى مصيبه  فى انتظار الحلقه 13 |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| العالم يشعر بحُبِّك ومدين لك بخلاصه |
| رهبنة ومجيئ القديس باسيليوس الكبير |
| حكايه توته وميدو |
| الزمالك يفاضل بين المعلم وميدو بعد هروب فيريرا |
| العاقر تلد ولدين |
العرض العادي
