زوّادة اليوم: إرادة ألله : 20 / 6 / 2020 /

[souad jaalouk]

زوّادة اليوم: إرادة ألله

بوقت التعليم عن بعد، في معلمة عطيت تلاميذها موضوع تعبير كتابي بيقول: صرنا بنصّ سنة ال 2020، شو تعلّمتو من كل اللي صار بالعالم بهالست اشهر؟
تلاميذ كتبو تعلّمنا نتّكل عا حالنا و ندرس وحدنا، منّن كتبو انّو هالسنة ما علّمتنا شي و كانت كلها مشاكل...بس بتعرفو شو اكتر جواب أثّر بالمعلمة؟
في تلميذ كتب: صرلي سنين عم خطّط كيف بتخرّج السنة و بأي بلد بدّي كمّل علمي و هيك...بس صار في كورونا و تسكّرت المدرسة و ما اخدت الشهادة و تسكر المطار و غِلِي الدولار ما بقا قادر ادفع قسط الجامعة برّا ! انا تعلّمت انّو الإنسان فيه يخطّط قد ما بدّو بس ارادة الله هيّي اللي بتقرّر مصير البشر مش هنّي! "حيث نتعلّم أنّ الله هو "الَّذِي يَعْمَلُ كُلَّ شَيْءٍ حَسَبَ رَأْيِ مَشِيئَتِهِ" أفسس 1: 11...الله معكن

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب

[souad jaalouk]

شكرا كثيرا على المرور الغالي أخوتي الأحباء بركة الرب يسوع تكون معكم دائما