عذاب حتي الموت

[walaa farouk]

وصلنى فيديو اربع بنات بيعذبوا قطه صغيره حتى الموت
وبيدوسوا عليها برجلهم. صعب تقدروا تكملوا مشاهده الفيديو القاسي بدون رحمه. وصعب انى انشره بهذه القساوه. قساوة مش ممكن تكون لبشر وخصوصا بنات دول لما يكبروا ويتجوزوا ازاى يربوا اولادهم وازاى يتعايشوا فى سلام مع ازواجهم. ازاى مش رحموا قطه مربوطه وتصرخ من الوجع لحد الموت. مش عارفه هل دول مرضى نفسين ولا قساوه قلوبهم ولا انتقام من الظروف اللى عايشينها ولا بيتعاطوا مش عارفه اوصفهم..

وافتكرت داود النبى صاحب


القلب_الحساس
ان قلب داود ضربه على قطعه طرف جبة شاول( صموئيل 24 )
يعنى ايه داود يقطع حته قماشه من طرف جبه شاول ويُعتبر ده عدوه العاوز يقتله واحنا كام مره نعمل خطيه فى اخواتنا وممكن نأذيهم ونقتل انسانيتهم ونهتك مشاعرهم وممكن نضيع اكل عيشهم، مش ملابسهم بس وقلبنا ولا بيحس ولا بنشعر اننا حتى غلطنا فى حق الناس . ده اللسان اوقات بيبقى اصعب من السكين اللى بتقطع فى نفسيه الناس ونبقي مستمتعين بشطاره لسانا عليهم .
الناس الحساسه ضد الخطيه دى الناس اللى قلبها بيوجعها وبيضربها لو عملت اقل حاجه لان قلبهم مليان خير مش شر، مليان حب مش كراهيه ، مليان تسامح مش حقد
القلب ده علشان ساكن فيه ربنا فربنا ميقبلش اى حاجه غريبه تعكر جمال قلبه وربنا قال عن قلب داود. وجدت داود بن يسى رجلا حسب قلبي(أع 13: 22) .
ربنا يدينا قلوب زى قلبك علشان نحس باللى بنعمله وقلوبنا تضربنا لما نغلط علشان نفوق لخلاصنا وابديتنا .ويابخت القلب اللى بيضرب صاحبه لما يغلط ويوبخه .