مكرونة بشاميل بخضارمشكل على طريقتى الخاصة

[marit jesus]

طريقة سلق المكرونة
500 جرام مكرونة قلم او اى نوع ويسلق فى ماء مغلى ومضاف له ملح وفلفل حسب الرغبة
ثم تسلق نصف سوا
طريقة تسبيك الصلصة
من 3 او 4 حبات طماطم حسب ماتحتاجى ويضربوا فى الخلاط ثم يوضعوا على نار متوسطة حتى تتسبك
طريقة الحشو
بطاطس غير مسلوقة مقطعة مكعبات
وحبتين قرنبيط مسلوقين ومقطعين مربعات صغيرة
وملعقة جزرمبشورة اوجزرة واحدة مقطعة مكعبات صغيرة جدا
وفلفل الوان مقع مكعبات صغيرة
وتلات معالق بسلة مسلوقة
طماطم مقطعة مكعبات
ولو حابة تضيفى كوسة او كوستين مقطعين وغير مسلوقين
نحمر بصلة كبيرة مضاف لها ملح وفلفل حتى تتكرمل وتاخد اللون الدهبى وننزل عليهم بالبطاطس الغير مسلوقة ونشوحها لمدة دقيقة اودقيتقتين ثم نضيف البسلة والقرنبيط ونضيف حوالى ربع الى نصف كوب مرقة خضروات واول ماتتدخل فى السوا نضيف الكوسة والجزر والفلفل والطماطم وباقى الخضار ثم نضيف البهارات بصل بودر وبابريكا وشطة حسب الرغبة وقرفة وجنزبيل ونشوحها نصف سوا لانها هتكمل فى الفرن

البشاميل
الطريقة الاولى
كوب ونصف مرقة
ونحمر الدقيق ثم نضيف المرق ونقلبه حتى يصبح سمكه متوسط وينضج
الطريقة الثانية
نحمر الدقيق ونتركه ليبرد
ثمر نضيف كوب او كوبين من اللبن البودر لبن الصويا اولبن جوز الهند اوالشوفان فى الخلاط ثم الدقيق ونضربهم على البارد
ثم نوضعهم فى اناء على النار حتى يتامسكوا جيدا ويصبح قوام البشاميل
الطريقى الثالثة
بطاطس مهروسة ومضاف لها ماء المرق او ماالسلق حسب رغبتك وتضرب بالهاند بلندر او تقلب جيدا حتى يصبح قوام البشاميل
نحضر صينية مدهونة بالزيت والبقسماط ونضع المكرونة المخلوطة بالصلصة الطبقة الاولى ثم الطبقة الوسطى الخضروات ثم المكرونة ثم البشاميل ونرش على البشاميل بقسماط مطحون او مونزريلا صيامى حتى تاخد لون
وبالهنا والشفا

[Mary Naeem]

جميلة جدا
ربنا يبارك حياتك

[walaa farouk]

جميله اوي
ربنا يفرح قلبك