زوّادة اليوم: في دموع غاليين كتييير : 17 / 12 / 2019 /

[souad jaalouk]

زوّادة اليوم: في دموع غاليين كتييير

بهالعيد و كل يوم في دموع غاليين كتير كتير...
دموع صادقة، دموع بتحرق بس تنزل...
دمعة طفل بردان، دمعة طفل جوعان، دمعة بَي مش قادر يكفي عيلتو، دمعة إمّ مش قادرة تأمّن لعيلتها ابسط حقوق الإنسان، دمعة ختيار متروك وحيد، دمعة مظلوم، دمعة يتيم، دمعة مريض مَرَضو ما إلو دوا او مش قادر يتعالج...الأوجاع كتيرة و بتبكِّي الحجار...ورا كل دمعة حكاية مخبّاية بقلوب محروقة... صلاتنا اليوم لطفل العيد، منطلب منّو يغمر برحمتو كل شخص و يمسح الدموع، كل الدموع... نحنا بدورنا منوعدك يا رب نعمل فرق قد ما كان زغير بحياة ناس منلتقي فيهن حتّى نكون جنود خدمة الك عالأرض...هالشي ما بيعني انّو نحنا اقوى منّن او نحنا ما منبكي! كلنا ايمان انّك عارف بقلب كل ابن من ولادك شو في و مش تاركنا ابدا و كل دمعة بتنزل من كل عين انت شايفها و عاددها... الله معكن

[walaa farouk]

ميرسي على زوادة اليوم
ربنا يبارك خدمتك

[Mary Naeem]

آمين يا رب

[souad jaalouk]

شكرااا كثيرا على المرور الغالي أخوتي الأحباء بركة الرب يسوع تكون معكم