زوّادة اليوم: في كلمات مئذيّة أكتر من السّيف : 26 / 11 / 2019 /

[souad jaalouk]

زوّادة اليوم: في كلمات مئذيّة أكتر من السّيف

بيقولو انّو الكلمة متل السيف...في كلمات بعد حتّى مؤذيّة اكتر من السيف، في كلمات بتجرح اللي بيسمعها و بتعلّم. و بيبقى اثرها عا طول.. بيخبّر شب انّو صار يفضّل يضلّ بالبيت لأنّو كل ما يتلاقى بحدا بيقلّو: ليش نصحان هيك، مش شايف شكلك عالمراية، وين بتلاقي تياب عا قياسك؟ من وين جايب هالجسم كلّو ما زال ما بتاكل كتير، كنت تعمل رياضة ليك بس وقّفت كيف صرت...
غير انّو هيدا جسمو و حرّ فيه و غير انّو ما حدا لازم يتدخّل بهيك موضوع و يعطي رأيو فيه، في عند الناس حشريّة مزعجة كتير و في طريقة بالحكي ما بترحم و ما بيحسبو حساب لمشاعر حدا و بيناقشو بإشيا خاصّة...اليوم عطينا هالمثل بس في غيرو كتير ناس بتتعرّض كل الوقت لهالنوع من المضايقات. دعوتنا الكن اليوم تفكرو قبل ما تحكو و تذكّرو انّو الكلمة اللي بتطلع ما بترجع...الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

آمين يا رب