|
 |
 |
 |
|
رقم المشاركة : ( 1 )
27 - 10 - 2019, 07:24 PM
|
|||||||||||
|
|||||||||||
 • صاحب الطبيعة .. اتعلم تمشي لوحدك في جو هادي وتستمتع . . اتعلم تتأمل في النيل والبحر والزرع .. لو جواك زحمة كلام اتعلم تنصت لهدوئها .. لو مش مصاحبها هتخسر كتير . • صاحب .. الموسيقي النضيفة احدي الطرق اللي الله بيحضننا بيها .. ممكن يحضنك عن طريق مقطع موسيقي او بيت من قصيدة او كوبليه من ترنيمة . • صاحب نفسك .. يا بختك لو بتعرف تصاحب نفسك .. بتعرف تقعد معاها وقت كافي كل يوم وتسمع لها وتدخل لاعماقها وتفهم هي عايزة ايه وتمتحن دوافعها كويس .. هتكون متصالح جدا معاها فبالتالي هتقدر تعيش في صفاء . • صاحب التجاهل .. انت مش مطالب انك تتابع كل حاجة في الوجود من اخبار واصحاب وشخصيات وصفحات . . اي حاجة تحس انها بتستنزفك او بتقلل من انتاجيتك وسلامك الافضل انك تتجاهلها وتكمل طريقك .. وده مش عدم محبة علشان محدش يبتزك نفسيا . • صاحب الاطفال .. يا بختك لو ليك اصحاب اطفال بتلعب معاهم وتتنطط وتجري وتنطلق وتنزل لمستواهم .. هتتلعم من خلالهم مهارات كتير واهمها البراءة والنقاوة والسلام . • صاحب عدم التعلق .. متتعلقش بشخص او بشئ وده مالهوش علاقة بالحب .. خليك مكتفي وقادر تعيش لو جه شخص او شئ يساعدك ويمشي معاك يبقي خير .. لكن لو مفيش فده ميخليكش حزين لكن كمل طريقك .. التعلق معناه انك بتعلق ساعدتك وسلامتك علي شخص او شئ . • صاحب قلمك .. حتي لو مش هتنشر اللي بتكتبه وحتي لو محدش بيقرالك .. اكتب واحتفظ بيه لنفسك . . الكتابة مفيدة اكتر بكتير من كونها الناس بتقرالك وتعملك لايك .. اهمها انك بتعبر عن نفسك وعن حالك وبتخرج كل اللي جواك وبتصفي . • صاحب الكتب .. مش أي حاجة تنفع تقراها . . كدة هتتوه لكن اقرا في اللي هيبنيك واللي من ضمن اهتماماتك لان فيه الاف المجالات لو قريت في كل حاجة مش هتفهم انت عايز ايه . . ومن اهم الكتب اللي فيها الحق الكامل بتاع الحياة هو الكتاب المقدس .. لانه بيعلن لك حقيقة محبة الله للانسان وحقيقة الحياة . • صاحب اللعب .. ادي لنفسك وقت ترفيه العب فيه بلايستيشن او اخرج او اتفسح او خرج نفسك واكلها ايس كريم او شربها مشروب بتحبه .. وكافئ نفسك علي كل حاجة حلوة تعملها . صاحب ربنا : إيه يا عم استغفر الله العظيم . . هو ربنا ده شخص عادي يتصاحب . . اه صدقني هو نزل لمستوانا وتجسد في شخص المسيح وقبل المسيح كان بيكلم موسي والانبياء ويتجلي علي جبل . . كل ده من اجل انه يصاحبنا ويقرب لنا وميكونش مجرد اله مرتفع بعيد جبار لكن يكون صاحب ورفيق . . وده اهم صاحب في كل دول .. وده اللي هيساعدك تتصاحب علي كل دول بطريقة تنفعك مش تشوهك .. يا بختك لو مصاحب ربنا ❤. وبس كدة دول ١٠ اصحاب حبيت اعرفك عليهم 
|
 |
| أدوات الموضوع | |
| انواع عرض الموضوع | |
|
العرض العادي
