خليكي حمامة واعية ذي حمامة نوح

[walaa farouk]

بمناسبة المطر الشديد اللي كان امبارح ..
واللي خلانى اتعلم دروس كتيرة جدا

كان من ضمن الدروس دي اني اتفرج على طيران الحمام بتاعنا
وهيعمل ايه في النوة دي ؟؟
الحقيقة لقيتهم كلهم دخلوا بيت الخلوة من باب الروف .
. واللي طلع فوق الدولاب .. واللي وقف علي باب الروف من جوة .
. واللي وقف علي السلالم ..

بصراحة افتكرت وقتها حمامة نوح ...
لما ملقتش مكان امن ليها في العالم بسبب الطوفان دخلت الفلك ..
مرضيتش تبني عش برة الفلك لانها عارفة ان مفيش امان .
مرضيتش تتفلسف وتقول ماهو كدة كدة مصير الارض تنشف .
. لا طالما شافت خطر اتحركت بسرعة وراحت الفلك
مقالتش اشوف يمكن الاقي حمام زيي واطير معاه ...
استغنت عن حرية طيرانها في السماء علشان تشتري حياتها ..
ما اتكلتش علي ذكائها ولا مهارتها ولا حمام غيرها.
هدفها فقط تشتري حياتها وامانها وده مش هتلاقيه غير في افلك .
. مأذتش حد علشان تعيش حريتها

الكتاب القدس كلمنا في سفر هوشع عن حمامة تانية .
. سماها ربنا "بالحمامة الرعناء"

"وصار افرايم كحمامة رعناء بلا قلب يدعون مصر
.يمضون الى اشور .." (هو ٧ : ١١)

ربنا هنا صعب عليه شعبه اللي بدل ما يعيش ذي حمامة نوح
ويلجأ للفلك لما يحس بخطر ..
لا .. اصبح ذي الحمامة الرعناء .. الحمامة الطائشة .. اللي بتتصرف تصرفات غبية علشان تحمي نفسها ..
بدل ما تلتجئ ربنا .. التجأت لعدوها .
.مصر واشور علشان يحموها
بدل ما تحتمي في الهها احتمت في الاذرع البشرية
بدل ما تشتري حريتها الحقيقية اشترت حرية زائفة
بدل ما تختيئ بسلام في حضن ربنا وترتاح ..
راحت تدور ازاي تأذي غيرها علشان تعيش

حمامة رعناء ..طائشة ..متهورة ..
معندهاش حكمة وبتضيع وقت كبير من حياتها بسبب قلة حكمتها ..

لكن حمامة نوح واعية وحكيمة ..
كل هدفها انها تشتري حياتها
وحياتها مع نوح والفلك ..

خليكي حمامة واعية ذي حمامة نوح ..
وقت العواصف والضيقات اختبئي في حضن ربنا .. وفي كنيسته ..
وحتى يوم ما تطيري في العالم بحريتك ..
طيري تحت رعايته وملاحظته ..

[Mary Naeem]

خليكي حمامة واعية ذي حمامة نوح ..
وقت العواصف والضيقات اختبئي في حضن ربنا .. وفي كنيسته

صح يا قمر
ربنا يباركك حببتي