ازاى نربي ونعاقب صح

[توتا كمال]

-ياللا البسي الجوانتي عشان تنظفي الحوض الأول.
=بس ماتقوليش اني هنظف التويلت كمان!
-أيوااا ده حقيقي.. هتنضفيه.
=بس أنا قلت آسفة!
-ده حقيقي.. بس لازم تصلحي الغلط كمان.. آسفة مش كفاية.
=ازاي يعني.
it was an accident
أنا موقعتش الحليب بمزاجي
-ده حقيقي انا عارفة انه وقع غصب عنك. بس انا لو خبطت حد بالعربية ف الشارع غصب عني
An accident
هقوله آسفة وأمشي !!!ولا لازم أشوف عربيته هتتصلح ازاي وبكام وفيه تأمين.. انا لازم أتحمل عواقب اني مكنتش منتبهة وخبطته.
Bear the concequences of not paying attention when you have to.

طبعًا دخلت معاها أعلمها شوية وسيبتها تكمل الباقي.

قبل ٨ ساعااات:
هي بتفطر عشان تروح المدرسة وبتتحرك بعشوائية كالعادة بتحاول تشيل الدبدوب وهي ماسكة كوباية اللبن فطبعًا اللبن وقع.
هي بلبس المدرسة ودقايق ولازم تنزل. مفيش وقت تنظف اللي وقع ومش هينفع اللبن يفضل ف السجادة لحد ماترجع.

ابتديت أنا أنضف واشيل سجادة هتتغسل وأرض هتتمسح وفيلم كبير ع الصبح... بكل الهدوء والصبر اللي يدعي ربنا يرزقني بيه ليل نهار عشان مانكدش على نفسي أولًا وعليها ويومي ويومها يبوظ

-ادخلي هاتي كوباية تانية بسرعة عشان تلحقي تفطري قبل ماتنزلي وسيبي كل ده..
.

وهي نازلة بتقولي:
= انا كده مش هاخد مصروف صح!
-لا طبعا هتاخدي عادي.. ايه العلاقة! لما ترجعي نتكلم.
بوستها زي كل يوم وفكرتها بالأذكار.

لما رجعت قلتلها شوفي:
- انا انهاردة كانت خطتي أطبخ وأنضف الحمامات طبعا ضاع مني ساعة الصبح في تنظيف الفوضى اللي حصلت بسبب اللبن اللي وقع..فراح وقت تنظيف الحمامات. .. انتي دلوقتي مسؤولة عن تنظيف الحمامات.

=بتهزري أنا مش هنضف ال shit يامامي..

بعد حوار قضت ساعة بتدعك البانيو والحوض ونضفت التويلت كانت اتبسطت بجزء الرغاوي والصابون والزفلطة بس كانت ممتعضة وهي بتنظف التويلت ساعدتها فيه.

بنتي حد على أد ماهو مبهج وحالم على أد ماهي حد سلوكه فوضوي ومش مركز.. أتعلمت أقبلها زي ماهي..لكن كمان بعلمها أن كل مرة هتبقى فوضوية ومش مركزة هتتحمل العواقب..

مفيش عقاب..مفيش حرمان من المصروف.. مفيش صويت وزعيق وضرب.
لكن فيه ضيعتي وقتي فهتعوضيني عنه.. هتعملي الحاجة اللي كان مفروض اعملها، عشان انا عملت الحاجة اللي انتي كان مفروض تعمليها بس ماكنش عندك وقت ليها.

وبحبك وببوسك وبحضنك حتى وانتي غلطانة عشان حبي ليكي مش مربوط بسلوك.
لكن حبي ليكي مش هيمنعني أعلمك ازاي تتحملي عاقبة اهمالك.

[walaa farouk]

ميرسى على مشاركتك الجميلة
ربنا يفرح قلبك

[Mary Naeem]

رووووووووووعة حببتي
ربنا يفرح قلبك