عاوز تعيش فرحان

[walaa farouk]

عاوز تعيش فرحان؟
ماتدنش حد.. ماتتكلمش عن حد.. استر علي ضعفات غيرك عيش راضي
ساعتها هاتعيش فرحان حتي لو حياتك كلها مشاكل
لكن اللي بيخلي مشاكلك مش بتنتهي انك بتغزي مشاكلك بخطيه
يعني تبقي مخنوق تروح عامل حاجه غلط بحجه المشاكل.
ومافيش مانع تروح جايب في سيره الناس.. ومافيش مانع تروح قايل اخطاء الناس
.. ومافيش مانع تكدب كمان. وتجرح في غيرك.. وتكلم من الضهر
. وانت اصلا كلك عيوب وبتقول يارب نجيني وارحمني.
وفي الاخر تسال نفسك هو انا ربنا مش سامعني ولا ايه
عاوزك تقرا الايه دي
رسالة بطرس الأولى الأصحاح 3 اية 10
10 لأَنَّ:«مَنْ أَرَادَ أَنْ يُحِبَّ الْحَيَاةَ وَيَرَى أَيَّامًا صَالِحَةً،
فَلْيَكْفُفْ لِسَانَهُ عَنِ الشَّرِّ وَشَفَتَيْهِ أَنْ تَتَكَلَّمَا بِالْمَكْرِ،
عاوز تعيش في ايام صالحه سكت لسانك وبوقك عن الشر والمكر
والايام الصالحه مش معناها ان مشاكلك تتحل.
لكن معناها ان مشاكلك تبقي باب انك تعيش متضع.. خادم.. مصلي.. راضي. ساتر
ساعتها تعيش فرحان وف سلام وف فرح
.