سجن عدم الغفران

[walaa farouk]

موجود في هذا السجن جلادين شرسين جداً من عائلة واحدة
أسمها عائلة المرارة وأخواتها.
الجلاد الأول روح الشعور بالمرارة ....
فيمرر عيشتك فتؤذي نفسك والأخرين، ويسلمك هذا الروح ....
للجلاد الثاني ... روح الكراهية اللي بيجلدك كل يوم لما تسمع سيرة الشخص اللي جرحك ويتدخل أخوه ....
الجلاد الثالث ... ويقولك أنا هاخدلك حقك منه
وأسمه روح الإنتقام اللي لو أخترت إنك تتعامل معاه ها تُحفر قبرين قبر ليك وقبر للي بتكرهه.
ويبدأ الجلاد الرابع ... يضربك في نفسيتك روح (كآبة، حزن، يأس، ورثاء للذات، إنطواء)
ويستلمك الجلاد الخامس ...
يجلدك في صحتك (سكر، ضغط، ألام المفاصل، قولون عصبي، صداع، جلطة
، شلل، عينك تضعف، قرحة في المعدة مش بسبب ماتأكله لكن بما يأكلك،
ذبحة صدرية وممكن يجيلك سرطان، وجهازك المناعي يضعف بسبب حرقة الدم والتفكير)
كل البلاوي دي علشان ماغفرتش.
علشان تعرف خطورة اللي أنت عايش فيه. وإنت أول واحد محبوس
واللي إنت مش غافرله محبوس معاك.
فهكذا أبي السماويُّ يَفعَلُ بكُمْ إنْ لَمْ تترُكوا مِنْ قُلوبكُمْ كُلُّ واحِدٍ لأخيهِ زَلّاتِه.
ربنا واخد الموضوع بِجَد. عارف ليه؟ أصل الغفران بيديهولك علشان تستفيد بيه
وكمان تفيد غيرك. لو منعته عن غيرك الرب هايمنعه عنك.
اِغفِروا_يُغفَرْ_لكُمْ لوقا ٦: ٣٧.
أيه رأيك ماتاخدها من قصيرها وترجع للرب وتتنازل عن حقك علشان ربنا يغفرلك ويشفيك
. مش الغفران أحسن؟.
ولو قررت تعمل كدا الرب سيأمر الجلادين يوقفوا الجَلد وتُخرُج فرحان إنت وأخوك.
وهاتشوف حياة مجيدة وتخرج من سجنك وابليس يُهزم في هذه الموقعة.

[Mary Naeem]

أبي السماويُّ يَفعَلُ بكُمْ إنْ لَمْ تترُكوا مِنْ قُلوبكُمْ كُلُّ واحِدٍ لأخيهِ زَلّاتِه

موضوع مميز
ربنا يباركك

[walaa farouk]

ميرسى على مرورك الغالى