أسمعى لجسمك

[walaa farouk]

- انتى ليه لما بتتعبى 🤢😵مش بترتاحى 🛏؟
هو يعنى ايه راحة اصلا؟

الراحة حاجة احنا للاسف متعودناش عليها فى حياتنا🤷‍♀️
وده اللى كتير مننا اتربى عليه

يعنى كنا بنشوف كل نماذج السيدات 🧕
فى عائلتنا مابيرتحوش خالص والكلمة مش فى القاموس بتاعهم
وطول الوقت يحكوا عن تعبهم وعدم راحتهم 😓
وهما بيفنوا صحتهم فى تربية الاولاد 👶
والبيت وان ده طبعا دور الست وانها اتخلقت بس للدور ده ..

حتى فى الاجازات 🌊تلاقى الام مهلوكة
وترجع من الاجازة عاوزة اجازة🤦‍♀️ ..

وبالتالى الكلمة بمفهومها مش موجود جوانا
ملوش فى الذاكرة اى معنى 😏

ده غير مثلا الدراما سواء مسلسلات
او افلام كلها تقريبا بتصور الست دايما متفانية
ومدية كل صحتها وروحها وحياتها لاولادها وبيتها 😤‍♀️
وهى ملهاش اى وجود خالص لحد ما تتعب وصحتها تروح🤦

يعنى لما نحاول نجيب من الذاكرة او الماضى
او الدراما بتاعتنا اى صورة او مشهد يساعدنا نفهم
معنى للراحة منلاقيش 😩

.معنديش غير الافكار والمشاعر السلبية عن الراحة جوه عقلى 😨
وبالتالى مابفكرش فى الراحة ولا عمرى هحط نفسى اولوية 😱

طيب والحل؟

ابدأى و ببساطة اسألى نفسى 🧐
ايه السبب انك مش بترتاحى؟🤔
ايه الافكار والمشاعر السلبية اللى ورا كلمة الراحة عندك؟😓
لما بتبقى تعبانة ليه مش بتطلبى مساعدة؟
ولو طلبتيها هتحسى بأية؟
لو قسمتى الحاجات اللى وراكى على ايام هيحصل ايه؟
لما تجاوبى على الاسئلة هتلاقى افكار ومعتقدات كتير عندك عاوزة تصحيحها وتطليعها من جواك 👍
بعدها تبدأى تدورى على راحتك فين وفى ايه؟ ..

[حبو اعدائكم]

عدك حق--
و للاسف الموضوع بيأثر على النفسيه-- و لما النفسيه بتتعب بتتعب الجسديه اكثر و اكثر فهى دائره متطسله

[Mary Naeem]

بعدها تبدأى تدورى على راحتك فين وفى ايه؟

صح يا قمر
ربنا يباركك حببتي

[walaa farouk]

ميرسى على مروركم الغالى