|
 |
 |
 |
|
رقم المشاركة : ( 1 )
13 - 07 - 2019, 09:22 PM
|
|||||||||||
|
|||||||||||
 بولس أعظم فيلسوف مسيحي كتب كدة "أُعْطِيتُ شَوْكَةً فِي الْجَسَدِ" ناس فسروا الشوكة دي انها مرض مزمن أصابه . . وناس فسروها انها نوبة الم في جسده بتجيله علي فترات . . وناس فسروها انها شوكة في ضهره بالمعني الحرفي .. وناس فسروها تفسير تاني خالص ان فيه في جسده (جسد المسيح) ناس بتحاربه وتؤلمه .. وبعض الفلاسفة فسروا الشوكة ان كل شوية بتيجي حرب علي ذهنه ويفتكر الاطفال والشيوخ اللي قتلهم قبل الايمان ! لكن بغض النظر عن انهي التفسير اللي صح خلينا ناخد المفيد .. كل حد فينا عنده شوكة في جسده زي بولس .. فينا اللي عنده احتياج لسه مش متسدد فينا اللي فقد حد عزيز عليه فينا اللي عنده مرض بيؤلمه لسه ماخفش منه فينا اللي شايف اقرب حد ليه بيتألم ومش عارف يعمله حاجة فينا اللي بيصارع في خطية وبيصلي بصراخ مش عايزها في حياته ومازال بيصارع فيها فينا اللي عدي بطفولة او ماضي صعب وفينا اللي دايما مشاهد الماضي بتؤرقه بتؤلمه فينا اللي عنده شخص صعب شوكة في حياته ومش هيقدر يبعد عنه لانه مسئول منه لكن بولس كمل الاية بحاجة عظيمة أوي قال انا سألت الرب وقلت له ليه ؟ وكانت اجابته :"لئلا ارتفع بفرط الاعلانات ؛ يعني متكبرش بسبب النجاح الروحي اللي انا فيه . والاجابة التانية "تكفيك نعمتي" اني اعتمد علي نعمته مش علي ذاتي . . لان نعمته في ضعفي بتدي قوة .. لكن لو اعتمدت علي ذاتي هفضل ضعيف . . ورغم الشوكة اللي في جسد بولس اللي كانت بتؤلمه الم شديد وايا كان الشوكة دي كانت ايه لكن بولس علشان ركز علي نعمته مش علي الشوكة نجح نجاح عظيم ورسايله كلها لفت العالم وبقت موجودة وبتكتر وبتكون سبب في تغيير حياة الناس كل يوم اكتر من اللي قبله . مش بكتب البوست ده علشان امدح في بولس هو اغني بكتير من اني اتكلم عنه .. لكن علشان نقلده ونتعامل صح مع كل شوكة في حياتنا ونتكل بالكامل علي النعمة اللي هتدينا قوة وسط الضعف .. وهتستخدمنا بالرغم من كل ألم وضعف ولغبطة . "يارب انا هاجي دلوقتي بالشوكة اللي فيا بضعفي والمي وعجزي واقرب من عرش جلالك واخد نعمة اكمل بيها" تكفيك_نعمتي 
|
|
14 - 07 - 2019, 12:34 PM
|
رقم المشاركة : ( 2 ) | ||||
|
† Admin Woman †
|
رد: الشوكة نعمة
يارب انا هاجي دلوقتي بالشوكة اللي فيا بضعفي والمي وعجزي
واقرب من عرش جلالك واخد نعمة اكمل بيها مشاركة جميلة جدا ربنا يبارك حياتك |
||||
|
|
|
16 - 07 - 2019, 02:44 AM
|
رقم المشاركة : ( 3 ) | ||||
|
..::| الإدارة العامة |::..
|
رد: الشوكة نعمة
ميرسى على مرورك الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| تعلَّم درسًا عميقًا من بقاء هذه الشوكة مع تداخل نعمة الله الرافعة |
| سر الشوكة الغامضة |
| لغة الشوكة و السكينة |
| البق ذو الشوكة |
| كيفية إستخدام الشوكة والسكين |
العرض العادي
