انت شايفانى بعيون مرايتى

[walaa farouk]

فى كل مره ببص فيها ف المرايا بستغرب ملامحى اللى كل مره بشكل وروح مختلفه
مره مبسوطه وفرحانه ومره حزينه وكأبانا ومرات تايهه ومش راسيه على بر
بسرح وافكر ليه مش حلوه وجميله زى س ، ص وبقول هو جمال المرايا دا مقياس ؟
وهى الحلاوة دى دايمه ؟ طب عيون الناس دى زى عيون المرايا ؟
وبسأل سؤال مهم انت يارب مرايا بتعكس حالتى الوقتيه واتلون قدامها ولا انت حقيقتى ؟
انت شايفانى بعيون مرايتى وحلاوتى المتقلبة والمتغيرة حسب هوايات ومزاجى ومودى ؟
بسرح هو ليه حبنى وشاف فيا ايه يتحب اذا كان الناس بتشوف ومابدومش
هو ليه متبت فى حبه وباقى عليا انا مليانه عاهات ورواسب
مليانه هده من جوه محتاجه معافره عشان تتوضب مليانه كراكيب وكلكعه
محتاجه تتروق انا مش عارفه اوصل انى اغفر واسامح ولا عارفه احط نفسى مكان غيرى
ولا عارفه اقبل ناس معينه بافعال وكلام ونفسية انا مش عارفه اكون صورته.
واكتشفت أن ربنا مرايه حقيقتى مرايتى اللى بطلعنى دايماً جميله وحقيقتى
لانه بيعرينى قدامه وقدامى وزى ماحبه غير مشروط
عيونه مش فضاحه قابلنى كدا زى مانا بكل الكلكعه والعاهات والهدم اللى جوايا
وشايفنى جميله مع انى ملامحى قدامى رتوش لكن قدامه تحفه فنيه
قرر أنه يمد أيده فى كل دا ويحسنه ويجمله فى عيونى ويخلى عيونى شبه عيونه
وقلبى شبه قلبه قرر أنه يتسلى ويبدع فى عمليه التجميل اللى بيعملها فى ملامحى الجوانيه
اللى مش هتتغير ولا تكرمش ولا تجعد زى بره اهتم يجمل فى الخراب اللى اتحفر جوا
ويزيد حلاوتى بحلاوته وجماله شغال وكل حته بتخلص فى ايده
بيقولى كلك جميله يا حبيبتى ليس فيكى عيبه .
ماتبصش لمرايتك الازاز لأنها خداعه وبتخفى كل جمال فيك ركز على مرايه حقيقته
وقولها عاوز ابقى تحفه فنيه مليانه من جمال مليانه حب ومليانه قبول
ومليانه خضوع للتشكيل والنحت فى عمليه التجميل

[Mary Naeem]

وقولها عاوز ابقى تحفه فنيه مليانه من جمال مليانه حب ومليانه قبول
ومليانه خضوع للتشكيل والنحت فى عمليه التجميل
ربنا مرايه حقيقتى