|
 |
 |
 |
|
رقم المشاركة : ( 1 )
15 - 02 - 2019, 11:48 AM
|
|||||||||||
|
|||||||||||
 "ده زي اخويا"... "دي زي اختي"... جملتين بنسمعهم في مواقف كتير... مواقف مختلفة... مواقف صح... و مواقف غلط... يمكن رأيي اللي جاي مش هيعجب كتير مننا... يمكن هيبان رجعي ... يمكن يمكن يمكن.. بس محتاج نقف عنده شوية "ده زي اخويا"... يقولها نكتة حلوة ولا افيه يضحك تقوم تضحك جامد و تميل لورا و تضربه علي كتفه... طب ده يليق يا ماما؟... اه طبعاً "ده زي اخويا"... قال نفس النكتة او نفس الافيه تاني يعني خالص اتحرق تقوم تضحك برضو جامد و يضربوا كف في كف كدة لبعض (الحركة المُعتادة بين الأصحاب بعد النكت و غيره)... طب ده يصح يا ماما؟... اه عادي "ده زي اخويا"... تقعد جنبه و تلزق فيه جامد... طب يا ماما فسحي شوية مايصحش... لا عادي "ده زي اخويا".... تبعتله صورتها شات و هي قاعدة في البيت مثلاً و بص شعري عامل ازاي ولا صورتها في اي وقت و ايه رأيك في شكلي ولا مكياجي ولا فستاني... طب مين ده يا ماما ولا مكانته ايه عشان تؤهله للسؤال ده؟... عادي "ده زي اخويا"... تتنطط كتير قدامه ولا تقوله ركبلي الأسورة ولا الحلق ولا السلسلة و كأن أصحابها البنات بيقروا بطريقة برايل كلهم... يا ماما يصح الكلام ده... اه عادشي "ده زي اخويا" "دي زي اختي"... يعني عادي اهزر معاها من شعرها ولا المسه بأي شكل... طب ده يصح منك؟... عادي "دي زي اختي"... يهزر معاها بكلام مش مناسب و الفاظ او شتايم لا تليق بطهارة الاخوة المحفوظ حدودها... طب ده ينفع؟... عادي "دي زي اختي"... يقولها شكلك حلو انهاردة او الطقم اللي كنت لابساه الفلاني فظيع عليكي البسيه كتير ولا المكياج المعين ده رائع علي وشك او بحب في شكلك كذا و كذا (و ما الي ذلك من ابداء اعجاب بالمظهر و قد يتخطي حدوده بشكل سئ لو تساهلنا مع بداياته)... طب انت مين يا حبيبي بالنسبالها عشان تقول كدة و تتعدي حدودك؟.... عادي "دي زي اختي"... يهزر في حاجات مش صح نهزر فيها... ينفع كدة؟... اه عادي "دي زي اختي"... يقولها اتفضلي عندنا في البيت زيارة... نعم يا حبيبي... تيجي فين يا بابا... يعم عادي "دي زي اختي و امي و بابا و ناهد و العيلة كلها"... تلاقيه و هو بيتكلم معاها عمال يقرب منها لقدام و قرب يلزق فيها... طب يا بابا ابعد شوية مايصحش... لا عادي "دي زي اختي" يخرجوا سوا لوحديهم في كافيه ولا مطعم بدون اي داعي قوي يستحق الجلوس بأنفراد لمناقشة امر معين او مصلحة معينة... و يقولوا احنا اخوات و الأمثلة تاني كتير في النوعين... امثلة لا تعرف عن حدود العلاقة ادني المعرفة... تحت مسمي غبي اسمه "زي اخويا" او "زي اختي"... مع ان علاقة الfriendship اللي ماتتعداش الfriendship zone لازم يكون ليها حدودها و ضوابتها المحفوظة... حدود لو اتخطيتها بتكون ماشي غلط و بلاش بدل ما تقلب وحش طبعاً بدل الواحد سبعتلاف هيقول ده متخلف... الولد زي البنت... فيها ايه لما اعمل كدة و بلا بلا بلا... بصوا اعتبروني غلطان بس اقروا الكام سبب دول و خلاص هو ليه مايصحش انا كبنت اضرب الولد علي كتفه و الزق فيه و يمسك شعري و ما الا ذلك من اللمس الجسدي... بصوا خلينا متفقين ان مثل هذه التصرفات بشكل او بأخر بتحرك مشاعر عاطفية و شهوانية بدون اي ذنب عند الرجل... يعني دايماً تصرفات التلامس الجسدي و اللي بتتمثل في اشهر تصرف و هو مسك الايد عند المخطوبين بتعبر عن وجود مشاعر عاطفية و الأمثلة اللي قلتها فوق ماتقلش كتير عنها... الدليل هقوله و موجه للولد و يجاوب علي نفسه بصدق 100%... ايه رأيك لو صاحبك ضربك علي كتفك بأيده بعد نكتة و لما صاحبتك تعمل نفس التصرف؟... شعورك واحد؟... مستحيل... انت حابب كدة من صاحبتك ... غصب عنك في عاطفة بتتحرك بتخليك فرحان بالحركة دي و عايزها تقرب و تزيد... خلي بالك يا اختي ياريت... ممكن تكوني مش قاصدة و بتعملي بحسن نية... بس خلي بالك من تصرفاتك... العاقل الناجح هو من يراقب تصرفاته و يهذبها (و طبعاً ده بيشمل موضوع الحلق و السلسلة و الكلام ده بل دول كمان انيل... ده قرب جسدي شديد) هو ايه المشكلة لما ابعتله صوري و انا في البيت او في اي مكان لأي غرض inbox... اولاً مفيش مساواة بين لما صورتك تتحط public و تتبعت inbox عشان محدش يقولي ماهي بتنزلها عالSocial media... لما تبعتيها Inbox كدة انتي كسرتي الlimits المحطوطة بينكم كأصدقاء و خليتي العلاقة بدون حدود و حطيتي واحد في غير مكانه... مين ده بالنسبالك او ايه مكانته لكدة؟... جوزك؟... اخوكي؟... ابوكي؟... اي صلة قريبة جداً ليكي؟... ماتقوليش زي اخويا... لو زي اخوكي هو نفسه هيحفظ حدودك هيقولك لو سمحتي بلاش صورتك تتبعت... لو سمحتي انا مش هجاوبك علي ايه الحلو في شكلك... ده اخوكي و ده الراجل... مش اللي مبسوط و بيشوف الشكل عامل ازاي... و انت لو عارفه كويس حدودك لما يجي يكلمك بنظرة إعجاب مظهري ولا يلمح للشكل و اللبس تقولي ستوب هنا و تمنعيه... بلاش التساهل بتاع خلي الامور تمشي... هتكتشفي انك لما ماقفلتيش الشباك بقيتي مش عارفة تقفلي البوابة... حطي حدودِك و الزم حدودَك بيهزر معاها بشتيمة... او لفظ لا يليق... و هي تسكت و تضحك... و قدام اللفظ هيزيد... و ندخل في مناطق غير قابلة للهزار... و مش بعيد تدخل في هزار جنسي... ما خلاص بقي الثور لقي باب الحلبة مفتوح هيطيح لبرا بيخرجوا سوا وحدهم... بصفتكم ايه؟... طب بتقولوا ايه ولا مشاعركم ايه؟... من اهم صفات الfriendship بين الذكر و الانثي انها تكون وسط الناس ظاهرة... مش علي جنب لأن ده معناه ان في حاجه زيادة عند friendship... اسمع مني بس و انتوا مش صغيرين تقدروا تقعدوا مع نفسكم تقيموا تصرفاتكم و مشاعركم و هتعرفوا اني صح هل انا قاصد بكلامي ان اي حد بيعمل تصرف من دول هو انسان مش كويس؟... لا خالص... ممكن تكون مش قاصد... لكن من اهم مميزات الانسان الناضج الانتباه للتصرفات و مراقبة و تهذيب تصرفاته... يخلص يومه يراجع تصرفاته مشيت ازاي... لو انت نقي فأنت مش ضامن نقاء اللي قدامك و خلي بالك عشان ماتكونش عثرة ليه و انت مش قاصد... و خلي بالك لأن "وَيْلٌ لِذلِكَ الإِنْسَانِ الَّذِي بِهِ تَأْتِي الْعَثْرَةُ!"... انتبه لتصرفاتك كويس خلي بالك انك لو فتحت الباب علي مصراعيه للغرباء يدخلوا بيتك براحتهم بدون حدود و استئذان مش هتعرف تطلعهم بعدين... كذلك بالظبط حدود العلاقة... لو فتحت صعب تقفلها تعود تقول لأ و تكون aggressive في المواقف اللي تحتاج كدة... انت مش هتكون شرير انت هتكون ناضج عاقل حكيم... لو هو شخص جدير بالصداقة هيتقبل ده... لو لم يتقبل تبقي ماشي صح في انك وقفت علاقة خاطئة... مش تقول لحسن اخسره خليها سداح مداح... انت اللي هتخسر في الاخر... ماتتكسفش و توقع نفسك عشان مجرد كلمة لأ... حط حدودك و اتعلم تصدر الوش الخشب في الحالات اللي بتتطلب كدة... عشان تحافظ علي علاقاتك و حياتك خلي بالَك... خلي بالِك... "انْظُرُوا كَيْفَ تَسْلُكُونَ بِالتَّدْقِيقِ، لاَ كَجُهَلاَءَ بَلْ كَحُكَمَاءَ"... دققوا في تصرفاتكم و لاحظوها و عدلوها... عشان تبنوا علاقات ناجحة قوية مبنية عالأسس و الحدود الصحيحية... و خلوا بالكم من ابليس... ابليس ماكر بيعرف يدخل من حتت صغيرة و تفاصيل بسيطة و بيبحب ينمي فيك عاطفة يوقعك بيها قدام... داوود العظيم اتهاون بتصرفات بسيطة عمل اكبر خطيتين... احذروا الثَّعَالِبَ الصِّغَارَ الْمُفْسِدَةَ الْكُرُومِ... زي اخويا و زي اختي مش معاناها نفتح شيش و إزاز... ده اخويا يعني بيحترمني و يحافظ عليا... زي اختي يعني اعرف حدودي معاها و ماعملش معاها اللي ماحبش حد يعمله مع اختي خليك_اخوها_بحدودَك خليكي_اخته_بحدودِك 
|
|
15 - 02 - 2019, 12:21 PM
|
رقم المشاركة : ( 2 ) | ||||
|
† Admin Woman †
|
رد: اتعلم تصدر الوش الخشب
زي اخويا و زي اختي مش معاناها نفتح شيش و إزاز...
ده اخويا يعني بيحترمني و يحافظ عليا... زي اختي يعني اعرف حدودي معاها و ماعملش معاها اللي ماحبش حد يعمله مع اختي مشاركة جميلة جدا ربنا يبارك حياتك |
||||
|
|
|
01 - 03 - 2019, 09:35 AM
|
رقم المشاركة : ( 3 ) | ||||
|
..::| الاشراف العام |::..
|
رد: اتعلم تصدر الوش الخشب
ميرسى لمرورك الغالى
 |
||||
|
|
|
16 - 03 - 2019, 08:13 AM
|
رقم المشاركة : ( 5 ) | ||||
|
..::| الاشراف العام |::..
|
رد: اتعلم تصدر الوش الخشب
ميرسى لمرورك الغالى
|
||||
|
|
 |
| أدوات الموضوع | |
| انواع عرض الموضوع | |
|
العرض العادي
