زوّادة اليوم: معادن النّاس

[souad jaalouk]

زوّادة اليوم: معادن النّاس
بيخبرو عن شب اجمالا بشغلو بيمرق بضيعة عندو فيها اصحاب. مرّة قرّر يشوف مين رفيقو الحقيقي اللي بيحبّو عنجد. بليلة شتي قوي كتير و برِد حكاهن كلّن و قلّن مشغول كتير و مستعجل مش قادر وقّف اطلب اكل فيكن تعملولي سندويش لبنة و باخدها عا طريقي.
واحد قلّو: يا ريت حكيتني قبل انا ضهرت من البيت مع انّو هوّي كان بالبيت بس ما بدّو يضهر بالهوا. واحد قلّو: في مطعم فاتح جديد عالساحة مروق جربو حدا بيشتغل بهالطقس. و واحد قلّو: وين صرت انا ناطرك برا عالطريق. قلّو رفيقو: عنجد؟؟ جاوب الرفيق: اكيد عنجد، يعطيك العافية يلا ما تتأخّر ناطرك سندويش عملتو كأنو الي توصّيت فيك منيح.
قلّو الشب انّو هوّي عم يمزح معو و انّو ما كان ابدا بدّو ياه يضهر لبرا بالبرد، شكرو كتير و صار يعتذر منّو. بهالإختبار البسيط قِدِر يعرف مين صديقو الحقيقي اللي بيخاف عليه و بيعتل همّو و بس يعوزو رح يلاقيه حدّو. اوقات موقف زغير بيخلّيك تعرف معادن الناس...الله معكن

[Mary Naeem]

همّو و بس يعوزو رح يلاقيه حدّو. اوقات موقف زغير بيخلّيك تعرف معادن الناس

مشاركة جميلة جدا
ربنا يبارك حياتك

[walaa farouk]

ميرسى على زوادة اليوم

[souad jaalouk]

يسوع يبارك حياتكما وجميع أعمالما أختاي الحبيبتان

شكرااااا كثيرااااا على المرور الغالي