|
 |
 |
 |
|
رقم المشاركة : ( 1 )
30 - 11 - 2018, 09:24 PM
|
|||||||||||
|
|||||||||||
|
لو كنت كاهن ..  _ كنت هدور ع اللي بقاله كتير مراحش الكنيسه . . اللي مقضي نص يومه ف الشغل والنص التاني ع القهوه . . وهروح استناه ف يوم ع القهوه اللي بيقعد عليها .. أول ما يشوفني ويستغرب ويسألني ايه يا ابونا اللي جابك هنا ؟! .. هرد عليه بابتسامة أب واقوله : وحشتني .. وحبيت اقعد معاك . . لما لقيتك مش عايز تجيلي قولت اجيلك انا .. ساعتها أكيد هيتكسف وهياخدني ويقوم ويقولي طيب تعالي نروح الكنيسه نكمل كلامنا _ كنت هقول للبنت اللي عايشه ف حزن ووحده اعتبريني صاحب قبل ما اكون أب . . واهتم بيها واسمعها لما تحكيلي اللي تاعبها .. ومفش مانع لو جبتلها هديه حلوه تفرحها وتفتكرني بيها .. هديه من غير أسباب _ كنت هسأل ع الناس اللي بقالهم فتره غايبين ومحدش ف الكنيسه بيشوفهم . . وهعمل لسته فيها أرقام تليفوناتهم .. وكل يوم هتصل ب مجموعه منهم اطمن عليهم وافكرهم ان حضن ربنا مفتوحلهم ف كل وقت _ كنت هختار يوم ف الأسبوع وانزل ازور أسره كامله من المخدومين .. مش مجرد زياره روتينيه ورسميه .. ده انا هقعد واتعشي معاهم واحسسهم اني واحد من أهل البيت _ كنت هعرف كل ولادي وبناتي انهم غاليين ف عين ربنا .. ومهما وقعوا ف يوم أو ضعفوا همدلهم ايدي علشان يقفوا تاني .. ويرجعوا أقوي من الأول .. كنت هحكيلهم عن بولس اللي كان شاول وبطرس اللي أنكر وأغسطينوس اللي عاش ف الخطيه سنين .. كنت هدعمهم ف لحظات الخوف واليأس واشجعهم بمحبه أبويه وعمري ما هقفل باب ربنا ف وش حد .. اكلم اللي بطل يصلي واقوله قوم صلي معايا .. وابعت رساله للي حاسس بيأس واقوله مستنيك بكره نصلي القداس مع بعض _ كنت هجيب سبوره صغيره واخليها ف أوضة الاعتراف .. واكتب عليها خطايا المعترف وهو قاعد قدامي .. وبعد ما يخلص اعتراف امسح كل اللي كتبته . . واقوله : زي ما السبوره رجعت بيضا تاني واللي عليها اتمسح .. انت كمان خطاياك اتمسحت وربنا غفرهالك .. لا تفتكرها تاني ولا تفتكر تفاصيلها .. الأشياء العتيقه قد مضت _ كنت هكلم الأطفال اللي مبيجوش القداس يوم اجازتهم . . واقولهم تعالوا نصلي القداس سوا ولما نخلص هنلعب بلايستشين مع بعض . . ونشوف مين فينا اللي هيكسب التاني _ كنت هعمل يوم كل شهر واخرج فيه مع كل ولادي وبناتي ف الاعتراف .. ف دير أو مكان مفتوح .. نصلي ونتكلم ونهزر ونلعب وناكل ونتصور .. يوم اتعامل معاهم فيه كأني واحد منهم .. والفرق بيني وبينهم بس ف الجلابيه والدقن _ لو كنت كاهن كنت هطيب قلب المجروح بكلمه تجبر الخاطر . . و اداوي ضعف اللي واقع تحت سلطان ابليس ب حضن دافي وطبطبه . . واروح للضال والتايه لحد أخر الدنيا .. واضحك ف وش اللي اقابله واسيب ف قلبه ذكري حلوه .. واكون صاحب للي مالوش صاحب وضهر للمكسور .. واشارك الناس تفاصيلهم وألامهم وأحزانهم وأفراحهم .. وادخل بيت ( العشار ) و اقعد مع ( مريم ومرثا ) واستني ( السامريه ) عند البير .. واتعلم من يسوع واحاول ابقي زيه .. واتعب علشان ابقي جسر يوصل الناس ليه .. وانقص علشان هو يزيد .. السيد المسيح مكنش بيستني الناس تجيله لحد عنده . . كان بيلف طول النهار علي رجليه من هنا ل هنا علشان يطهر ويبرر ويشفي ويحول أحزان الناس ل أفراح حقيقيه . . كانت خدمته وسط الناس وكنيسته جوه قلوبهم .. الناس مش محتاجه كاهن .. الناس محتاجه أب ✋❤️ 
|
|
30 - 11 - 2018, 09:58 PM
|
رقم المشاركة : ( 3 ) | ||||
|
..::| الإدارة العامة |::..
|
رد: لو كنت كاهن
مرورك الاجمل حبيبتى |
||||
|
|
|
01 - 12 - 2018, 02:20 PM
|
رقم المشاركة : ( 4 ) | ||||
|
† Admin Woman †
|
رد: لو كنت كاهن
كانت خدمته وسط الناس وكنيسته جوه قلوبهم ..
الناس مش محتاجه كاهن .. الناس محتاجه أب \ صح يا قمر ربنا يباركك حببتي |
||||
|
|
|
01 - 12 - 2018, 08:01 PM
|
رقم المشاركة : ( 5 ) | ||||
|
..::| الإدارة العامة |::..
|
رد: لو كنت كاهن
ميرسى على مرورك الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| نرسمك كاهن |
| كاهن يعظ إلى لا احد |
| أنت كاهن الى الأبد |
| طقس اعتراف كاهن على كاهن آخر |
| كاهن يعظ إلى لا أحد |
رد: لو كنت كاهن
العرض العادي
