سلسلة المسيح يحب الخطاة

[مورا مرمر]

علشان كدا الرب يسوع علمنا فى الصلاة الربانية ان نصلى ونقول "اغفر لنا ذنوبنا "والكنيسة علمتنا ان نصلى "الخطية التى فعلناها بارادتنا والتى فعلناها بغير ارادتنا الخفية والظاهرة حل واصفح واغفر "وان نقول كل يوم قبل ما ننام "يارب جميع ما اخطانا به فى هذا اليوم ان كان بالقول او بالفعل او بجميع الحواس حل واصفح واغفر لنا من اجل اسمك القدوس "فالثقة فى الغفران الكامل واليومى والغفران بعد كل خطية شئ مهم جدا حتى لا تتعود على الخطية ونقول "ضربوا الاعمى على عينه قال ماهى تعبانه تعبانه "فعدم ثقتنا فى الغفران الكامل يجعل الانسان ايضا يتساهل مع الخطية ويقول لنفسه او الشيطان يقول له "خطية زى خمسين (عك وربك يفك )والحساب يجمع اخر الشهر "

قلت : فعلا لما باصلى واقول "اغفر لنا ذنوبنا "الله بيغفر لى على طول .

قال :نرجع تانى من الاول هو الله امين ولا كداب ؟

قلت (باستغراب ): حاشا لله الله امين طبعا .

قال :طالما الله امين يبقى لازم يكون صادق فى كلامه قال "توبوا فتمحى خطاياكم "اع (3 : 19 )يبقى لما تتوب وتقول اغفر لنا ذنوبنا يمحى خطاياك ولا يعود يذكرها طيب ايه معنى الصلوات دى "اغفر لنا ذنوبنا" "اصفح واغفر جميع ما اخطانا ".لو الله مش بيستجيب وبيغفر نصلى ليه !!هو كلام وخلاص !!

قلت : الموضوع شكله خطر فعلا الرياح القديمة كل شوية تهب فجأة دا انا فعلا ماكنتش عايش !!ما كنتش مسيحى محتاج شوية وقت علشان اتعود على الوضع الجديد وايه الخطر الثانى فى عدم قبول الغفران ؟

قال : الخطر الاول هو تعود الخطية
والخطر التانى هو

عدم الثقة فى قبول صلواتنا

قلت : يعنى ايه ؟

فعندما لا يثق الشخص فى غفرانه الكامل لما يجى يصلى الشيطان يشتكى عليه ويقول له " يا خاطى هاتصلى وتفتكر ربنا هايسمع صلاتك هاتعمل فيها قديس ربنا عارف عنك كل حاجة انت نجس انت مذنب نسيت اللى لسه عامله نام نام !!"والانسان المسكين لو صدق ابليس ينام وحتى ولو صلى يصلى وهو مش منتظر استجابة وتكون صلاته مجرد فرد وطقس مجرد يريح بيه الضمير لكن مفيش ايمان ولا انتظار للاستجابة ويقول لنفسه "هو انا قديس غلشان ربنا يستجيب الى دا انا نجس .


ودا اكتر سبب يؤدى للفتور فى الصلاة

فشعور الشخص ان صلاته غير مقبولة وليس لها معنى وانها مجرد فرض لاله قدوس لعله يرضى علينا نحن الخطاة يشعر بحاجز الخطية بينه وبين استجابة ربنا ومش بس يخلى الواحد يهرب من الصلاة (لانه فى الصلاة نتقابل مع الله ولان الانسان حاسس انه قذر وخاطى وعريان فيحاول ان يختبئ مثل ابونا ادم فى الجنة )دا يخليه يشعر ان الصلاة هم وعبء يهرب منه وربما يكرهه وترى ذلك عميالو عملنا احصائية نسبة الناس حضور للكنائس لا تتعدى 20 % فى المواسم وطبعا شئ يحزن لكنها حقيقة يجب ان نعترف بها ونعالجها .

وايضا نرى رعب الناس وخوفهم من التناول لان شعور العرى والنجاسة وعدم قبول الغفران يقتلهم ويدمرهم ولكن لو الناس عرفت ان كل ثانية الله يغفر ليهم بمحرد انهم يرجعوا ويقولوا اخطأنا وان الله يرحب بالخطاة التائبين وينظر اليهم كابناءه الضعفاء المحتاجين قوة وكأطفاله المرضى المحتاجين علاج (جسده ودمه )لو فهمنا ذلك وعلمناه فى الكنائس لوجدنا الوف والوف وربوات ربوات تاتى زاحفين للكنيسة كل يوم لينالوا الشفاء والغفران وكنا نرى الجميع يكرزون ويبشرون بكلمه الانجيل وجمال الغفران عندما يتذوقونه !!بدل الخوف والخزى الذى صصار لنا !!فمنذ اتى شخص واحد وحيد اسمه مرقس منذ 20 قرن حول مصر كلها لمعرفة المسيح ماذا فعلنا ؟!حرمنا انفسنا حرمنا الاخرين من دم المسيح وغفرانه وعشنا تحت عبودية ابليس وذله ضعنا وضيعنا الناس حولنا لانه ان كنا نحن غير واثقين فى غفراننا فبماذا نبشر وننادى !!فما اكثر النفوس المحتاجة الى كلمة غفران والى كلمة حنان من الرب يسوع فوسط عالم امتلا بالشر والنجاسة من كل ناحية والاباحية تحارب الشباب فى كل اتجاه فصارت الحاجة للغفران والطهارة اكثر من اى وقت وان لم نفعل ذلك فليس بعيدا ان نكون بعد وقت مثل اوربا والشباب يهجر الكنائس وتصير كمثل المتاحف نتأمل جمال مبانيها وروعة رسوماتها ونبكى على الوقت والهد اللى ضيعناه فيها ونسينا نوصل رسالة يسوع وهى الغفران والخلاص للشباب المتعبين من حروب ابليس فهجروا من الكنيسة ولم يبقى فيها سوى مجموعة من العجائز ينتظرون موتهم .

قلت : فعلا يا ابى اكثر شئ نحتاجة فى مرحلة المراهقة والشباب هى كلمة الغفران والقبول مش الاوامر والنواهى فنحن نشعر اننا فى حرب مع ابليس نحتاج لمن يشجعنا ويداوى جروحنا وليس من يحبطنا ويشعرنا بالذنب والقذارة اكثر ما نحن شاعرين دلوقتى عرفت السبب الحقيقى لزهقى وبعدى وبعد الشباب امثالى عن الصلاة لاننا كلنا شاعرين بالخطية والذنب والنجاسة وعدم الغفران فاكيد ربنا مش هايستجيب لامثالنا فمفيش داعى للصلاة ولا التعب .

قال :ثالثا

عدم الشعور بالقيمة وضياع الهدف

فعدم ثقتنا فى الغفران الكامل يعنى انى غير مقبول هنا وليس لى قيمة هناك فى الابدية ساكون مرفوض فهنا ضياع وهناك ضياع

قلت :زى مابيقولوا موت وخراب ديار .

غدا بأذن الله سوف نكمل معا
صلوا لاجلى ..

[Mary Naeem]

فعدم ثقتنا فى الغفران الكامل يعنى انى غير مقبول هنا وليس لى قيمة هناك فى الابدية ساكون مرفوض فهنا ضياع وهناك ضياع

رووووووووووعة حببتي
ربنا يفرح قلبك

[sama smsma]

فعدم ثقتنا فى الغفران الكامل يعنى انى غير مقبول هنا

ربنا يفرح قلبك يا مورا

رووووعة حبيبتى

[بنت معلم الاجيال]

رينا يباركك و يعوض تعبك

[مورا مرمر]

شكرا لمروركم الرائع

[مورا مرمر]

قال :دى من اكثر الامور التى تسبب فكر الادمان والانغماس فى النجاسة وبالاكثر فكر الالحاد فطالما كدا كدا ضايع فضياع بضياع

قلت : طيب ايه حل النقطة دى يا ابى ؟

قال : حلها سنتكلم عنه بالتفصيل لما نتكلم عن مؤشرات الانسان المسيحى الحقيقى

قلت : ليه مركز اوووووى على موضوع الغفران يا ابى ؟

قال : احنا لسه فى البداية دا فى خلال المنهج الروحى هانتكلم عنه كتير اوى لانه العتبة التى ندخل بها الى المسيحية لنقابل الاب السماوى وبدونه نفضل خارجا انجاس ومطرودين الغفران هو محور المسيحية والمسيح جاء من اجل هذه المهمة سفك دمه ومات لكى يعطينا الغفران وبدون قبول غفرانه الكامل لكل خطايانا لا معنى للصليب ولا فائدة لدمه هل تعرف سبب رعب الشياطين من الصليب ؟

قلت : ماهو السبب يا ابى ؟

قال : ليس لانه مجرد علامة او شكل بل لانه باللصليب اخذنا الغفران وتمزق صك الخطية (زى كمبيالة الدين )فصرنا احرار من ابليس لكن لو قبلنا الصليب كمجرد كلمة ولم نثق فى الغفران الكامل والفورى نعيش عبيد وابليس يذل فينا ولا يكون معنا فى صلاتنا ولا فرح فى حياتنا ولا رجاء فى موتنا لانه من غير غفران جهنم تنتظرنا والجحيم نهايتنا والعذاب مصيرنا والصراحة مش بس بعد ما نموت فالانسان الذى لم يثق اول بالاول فى غفرانه ابليس يفضل يذل فيه ويستعبده كل لحظة ويقوله "يا خاطى يا نجس "ويكون ميت بالحياة له اسم انه حى وهو ميت .رؤ (3 :1 ).

قلت : معلش يا ابى هاقبل الغفران لكن انا عاوز اتحرر من الخطية ؟

قال : تمام هانتكلم كدا بالتفصيل لما نتكلم عن السقوط المتكرر والتحرر منه وكيفية التوبة الموضوع مطول ولكن دلوقتى نبدأ نوضع حجر الاساس ان المسيح يحب الخطاة ويرحب بيهم ويغفر لهم كل الخطايا مهما تكن نوعيتها او تكرارها زنا شذوذ الحاد قتل ادمان هو احب الكل وكلما الشخص مرض (خطية )صعب يكون اكثر احتياج لطبيب (المسيح )لو لم تقبل الغفران الكامل وان المسيح كساك بثوب البر ورداء الخلاص الابيض الجميل هاتفضل عريان وابليس يفضل يذل فيك وان لم تثق ان دم المسيح يطهرك كل يوم من كل (كل مش بعض ولا اغلب )خطية تكون كأنك لم تقبل المسيح ولن تعرف او تتذوق معنى المسيحية .

قلت : الكلام رائع يا ابى لكن مافيش تدريب عملى يساعدنى على قبول الغفران والثقة فيه ؟؟

قال : فيه تدريبات عملية كتير لكن الاول تركيزنا هايكون على تجديد الذهن وتغير الافكار اللى اخذناها من العالم وهااقولك ثلاثة تدريبات بسيطة :

*لما تتحارب بعدم الغفران :

"دم المسيح يطهرنى من كل خطية "ايو (1 : 7 )

*لما تتحارب بالشهوات :صلى صلاة الجوع

"اشبعنى يارب بحبك واحمينى فى حضنك "

*لما تتحرب بالكبرياء صلى صلاة القيمة

"مجدا من الناس لست اطلب مجدنى يارب بنعمتك "

وكرر هذه الصلاوات حتى تنتهى الافكار

قلت : تدريبات بسيطة وسهلة ولكن ليه يا ابى التدريبات عبارة عن ايات وصلوات وايضا ليه موضوع التكرار دا ؟

قال :صراحة دا اسلوب الرب يسوع فى حربة ضد ابليس فعندما كان ابليس يحاربة على الجبل لم يكن يتناقش معه او يدخل معه فى حوار ولكن كان يستخدم كلمة الله والتى هى امضى من كل سيف ذى حدين فكلمة الله هى السيف .عب (4 : 12 )واللى مفروض نستخدمه زى ماعمل الرب يسوع واللى به نستطيع ان ننتصر على ابليس وتهزمه فلا داعى للدخول معه فى حوار مثل امنا حواء لانه فى النهاية هايخدعنا ويسقطنا مهما كانت حكمتنا او ذكاؤنا بل رد عليه بكلمة الله فقط .

اما عن التكرار فهذا كان طلب الله لنا ان نلهج (نردد )ناموسه دائما وليلا ونهارا مز (2 : 1 )وما دمنا فى هذه الحياة فنحتاج للحماية على الدوام فخلايا الدم البيضاء مستعدة باستمرار لمهاجمة اى ميكروب وسلاح الدفاع الجوى ساهر ليل ونهار لحماية البلاد من اى هجوم فيجب ان نكون مستعدين دائما كجنود شجعان حاملين السلاح (كلمة الله )ضد اعدائنا كل حين وايضا التكرار حتى تتجدد اذهاننا وتغتسل من كلمات وتأثيرات العالم الشريرة وسهام ابليس المسمومة الموجهه ضد افكارنا .فارجوك لا تستهين بهذه التدريبات البسيطة ولا تثتسقلها بل اعتبرها كالدواء اللى به نعالج ضد مرض الخطية فلا يمكن ان تأخذ جرعة واحدة وتشفى بل تستمر فى العلاج لحد ما تشفى زى المياه اللى لابد ان تروى الزرع باستمرار فلا يفيد ان تروى الزرع مرة وتتركه بعد كدا فسيجف ويموت وهذه التدريبات البسيطة هى امور عملية لابد من استمرارها حتى ننمو فى هذا المنهج ونجد نتيجة حقيقية تستمر وتدوم .



(تمت )

نشكر الله

يمكنكم متابعة المنهج الروحى وسماع الحلقات للتدرج فى حياتكم الروحية
فى هذا الرابط تجدوا الحلقات كاملة
https://www.chjoy.com/vb/showthread.php?t=583043
او يمكنكم قراءة النبذات الصغيرة من هذا الموقع
http://mbade2.com/%d8%b3%d9%84%d8%b3...d%d9%8a%d8%a9/

[Mary Naeem]

رووووووووووعة حببتي
ربنا يفرح قلبك

[sama smsma]

اشبعنى يارب بحبك واحمينى فى حضنك
اميييين يارب
حبيبتى مورا ربنا يعوض تعب خدمتك يا قمر
مجهود رائع واستفدت كتير

[magdy-f]

سلسلة أكثر من رائعة
فى إنتظار مواضيعك المميزة
ربنا يفرح قلبك

[بنت معلم الاجيال]

"دم المسيح يطهرنى من كل خطية "ايو (1 : 7 )

*لما تتحارب بالشهوات :صلى صلاة الجوع

"اشبعنى يارب بحبك واحمينى فى حضنك "

*لما تتحرب بالكبرياء صلى صلاة القيمة

"مجدا من الناس لست اطلب مجدنى يارب بنعمتك "

وكرر هذه الصلاوات حتى تنتهى الافكار



راااااااااااااائع جدااااااااااا