النيروز ذكرى الشهداء

[walaa farouk]

كلمة نيروز (نوروز) فارسية الأصل مكونة من مقطعين
(نو) بمعنى (جديد) ومنها الكلمة الانجليزية (new)،
(روز) يعنى (يوم)
فتكون النيروز بتعنى اليوم الجديد.

ولحد النهاردة فى عيد فارسى اسمه عيد النيروز
بتحتفل بيه بلاد (تركيا _ ايران _ افغانستان _ اكراد شمال العراق) وبيوافق رأس السنة الفارسية يوم 21 مارس من كل عام.

وتسمت رأس السنة القبطية (المصرية)
بعيد النيروز بعد احتلال الفرس لمصر فى عام 525 ق.م الى 405 ق.م .

وعيد النيروز القبطي هو بدء التقويم القبطى المعروف
بتقويم الشهداء اللى ابتدأ من سنة اعتلاء دقلديانوس
عرش الامبراطورية الرومانية فى يوم 284/8/29 م تخليدا لشهداء الكنيسة اللى حفظوا الإيمان المُسلم من الآباء.

اشمعنى دقلديانوس اللى بدأ فى عهده التقويم القبطى ؟!
لأنه كان من اكثر الأباطرة وحشية وتنكيلاً للمسيحيين
وصدر فى عهده حوالى 800,000 الف حكم اعدام ضد المسيحيين.

والتقويم القبطي هو هو نفسه التقويم اللى كان مستخدم

فى مصر قبل هذا التاريخ .

الامبراطور يوليوس قيصر (قرن 1 ق.م)
الغى التقويم المصرى واللى كان شائع فى الامبراطورية الرومانية
وأنشأ تقويم شمسى واستعان فيه بالتقويم المصرى حوالى 46 ق.م ، وأصبح التقويم اليوليانى (نسبة الى يوليوس قيصر)
هو التقويم الرسمى اللى استمر لحد القرن (16 م) 1582.

فى عهد البابا غريغوريوس 13 من باباوات روما
اكتشف الفلكيون ان التقويم اليوليانى فيه خطأ فى حساب الشمس انه بيزيد 11 دقيقة و 14 ثانية كل سنة
، وبيعادل يوم كامل (24 ساعة ) كل 128 سنة .
وبتصحيح الخطأ المتراكم قاموا بتعديل يوم 5 اكتوبر 1582 الى 15 اكتوبر 1582 (زودوا عشر ايام ) واتعرف التقويم
بعد التعديل ب (التقويم الغريغورى) وهو التقويم الحالى، وسبب الاختلاف فى احتفال عيد الميلاد ما بين 25 ديسمبر
و7 يناير هو التعديل ده .

كل سنة وانتم طيبين
السنة القبطية الجديدة هى 1735 للشهداء
بنعمة المسيح تكون سنة خير وفرح على الكنيسة كلها وعلى الشعب المسيحى والمسلم فى كل العالم واستقرار الكنيسة والمنطقة العربية بالكامل .

[Mary Naeem]

كل سنة وانتم طيبين

[walaa farouk]

ميرسي على مرورك الغالى