سلسلة المسيح يحب الخطاة

[Mary Naeem]

في منتهى الجمال يا قمر
ربنا يباركك

[بنت معلم الاجيال]

جميل اوي و موضوع مميز
ربنا يبارك خدمتك

[sama smsma]

مش عاوز ارادتى عاوز الله يمشينى فى الطريق حتى ولو غصب عنى

اميييييين يارب

[souad jaalouk]

ربنا يبارك تعب محبتك أختي الغالية مجهود مثمر

[مورا مرمر]

شكرا لمروركم الغالى ربنا يفرح قلوبكم

[مورا مرمر]

قلت (مقاطعا كما لو ان احد وصف حالتى تماما ) : كيف ؟

قال(بهدوء ومحبة كما لو انه طبيب يغير على جرح بكل محبة واهتمام ) : حروب الشيطان هى حروب مرحلية .يعنى فى مرحلة الطفولة نتحارب بالشتائم والحلفان والكذب اللى ممكن نتعلمه من الشارع والمدرسة ومرحلة الشباب تكون حرب الشهوات والعادات والمناظر القبيحة مرحلة بعد التخرج والعمل حرب الهم والمشغولية .
شيطان الطفولة شيطان صغير على قد الاطفال وشيطان بعد التخرج يبدأ يعجز مع الوقت لكن شيطان فترة الشباب شيطان شديد ومتعب لان الشباب يتميز بالعنفوان والشده ولا يحبوا ان ينغلبوا عندما يسقطوا فى خطية تلاقيهم يتضايقوا ويحزونوا وياخدوا الموضوع على محمل شخصى ازاى انا اسقط (دا حتى لو الشاب انغلب فى اللعب تلاقيه يتضايق ويكسر الدنيا ).

قلت : فعلا لو انغلبت فى اى لعبة اتضايق ولو اللعبة على الكمبيوتر ابقى عاوز اكسره .

قال :لكن فى الحياة الروحية نحن نحارب ابليس انهزمت قوم بسرعة ماتستسلمش لا تسمع لصوته القبيح "مش هاتنفع انت خاطئ نجس نجس ".

قلت : لما يجى يقولى كدا اعمل ايه يا ابى ؟!

قال :رد عليه وقوله "دم المسيح طهرنى من كل خطية ..دم المسيح طهرنى من كل خطية" كررها حتى تنتهى هذه الحرب

فكلمة الله سيف امسكه وحارب بيه ابليس بدل ما يذلك ويتعبك وثق بأنك محبوب ومقبول وان طهارتك بدم المسيح مهما كانت مرات سقوطك حتى لو مليون مرة فى اليوم فقط لا تتهاون ولا تيأس .

قلت : فعلا هذه الاصوات جعلتنى ايأس ومش بش ايأس دا كنت قربت انى اتجنن *ارجوك يا ابى لاتتركنى حتى تكمل معى المنهج كما اكملته مع صديقى .

قال : المسيح لن يتركنا ابدا وسنتدج خطوة خطوة كبف نصلى وكيف نتحرر من السقوط المتكرر وكيف نثق فى الغفران امور كثيرة سنحكى عنها واحدة واحدة وبنعمة المسيح سنتدرج خطوة خطوة .

قلت : اريد تدريب عملى يا ابى فصديقى اخبرنى ان كل مرة سنأخذ تدريب اطبقه فى حياتى .بس ياريت تكون خطوات عملية تناسب حالتى البسيطة زى ما انت شايف ؟

قال :فعلا سنأخذ تدريبات عملية حتى نشعر بنتيجة سيكون على مستويين الذهن ومستوى العمل مستوى الذهن لتغيير الافكار القديمة التى تأثرنا بها من مجتمع العالم والمستوى هو المستوى العملى وهو التطبيقات العملية فمعلش فى الاول هيكون التركيز على مستوى الذهن مع تدريبات بسيطة وسأقولك ثلاثة خطوات عملية فى ثلاثة نقط .
قلت : ماهم يا ابى ؟!

قال :اولا قراءة الانجيل

قلت : يا ابى انا ماقريتش فى الانجيل من ساعة ما اتولدت يمكن مرة او مرتين .

قال : تمام سنبدأ بداية بسيطة تناسبك فاقرأ اية واحدة كل يوم

قلت : اية واحدة بس ؟!

قال :ارجوك يا ابنى امشى معايا خطوة خطوة اية كل يوم لمدة اسبوع الاسبوع التانى ايتين والاسبوع الثالث فقرة والرابع نصف اصحاح وكمل على كدا سنة تقدر تعمل كدا

قلت : موضوع بسيط ممكن اقرأ اكتر من كدا كمان ..

قال : ارجوك لا تزود على كدا وعندما نتقطع اكتر من اسبوعين ابدأ من الاول اية وايتين وهكذا واهم حاجة فى الكتاب المقدس ان تحول كل وعوه وكلماته لصلاة مش مجرد قراءة لمعرفة معلومات وبنعمة ربنا سنتعرف بالتفصيل عندما نتكلم كيف اقرأ الكتاب المفدس .

قلت : ليه كدا يا ابى انا سمعت ان صديقى بتخليه يقرأ ثلاثة اصحاحات فى اليوم وصلوات من الاجبية .

قال: صديقك بدأ كدا زيك وخطوة خطوة بدأ ينمو مش مرة واحدة فالتدرج مبدأ مهم فى التدرج والاستمرار سواء على المستوى الجسدى او الروحى

قلت : دا عن الانجيل وماذا عن الصلاة ؟!

قال :ليك اد ايه مصلتش ؟!

قلت : مش فاكر سنة او اكتر

قال :خلاص كل يوم دقيقة لمدة اسبوع ثم دقيقتين لمدة اسبوعين ثبت خمس دقايق لمدة ثلاثة شهور وايضا لاتزود ولا تنقص .

قلت : اصلى اقول ايه ؟

قال : صلى بحسب احتياجاتك ثلاثة اشياء (امور روحية ، امور مادية ،ومن اجل الاخرين ).

قلت :يعنى ايه ؟

قال : صلى ان الرب يحفظك من الشر والخطية والشهوات واى خطية تتحارب بيها قول له سامحنى يارب على كذا وكذا وامورك المادية المذاكرة او الشغل او الاحتياجات المادية ومن اجل الاخرين اسرتك (الاب والام والاولاد والاخوة وايضا اى حد يضايقك صلى له ).

قلت : اصلى ليه دا ممكن ادعى عليه !!

قال (بابتسام ):لا صلى ان الرب يغيره للاحسن فأحسن طريقة للتخلص من العدو هو ان تحوله الى صديق صلى ان الرب يعطيك حكمة فى التعامل معه وان ينجيك وينجيه من الشر لان الانسان غلبان لكن الشيطان هو اللى بيحرك الانسان ضد اخيه الانسان نصلى ان الرب ينجينا وينجيه من افعال الشيطان .ممكن تبدأ تصلى دلوقتى بالكلام اللى اكلمنا فيه .

*فعلا بعض الشباب يصابون ببعض الامراض النفسية بسبب شعورهم بالنجاسة والدونية

غدا بأذن الله
سوف نختم اخر جزء فى الجزء الاول
من سلسلة المسيح يحب الخطاة
صلوا لاجلى ..

[Mary Naeem]

فعلا بعض الشباب يصابون ببعض الامراض النفسية بسبب شعورهم بالنجاسة والدونية

رووووووووووعة حببتي
ربنا يفرح قلبك

[MenA M.G]

فكلمة الله سيف امسكه وحارب بيه ابليس بدل ما يذلك ويتعبك
،،،،،،،،،،
متابع معاكى الموضوع
فى منتهى الروعة

[اوفا]

فكلمة الله سيف امسكه وحارب بيه ابليس بدل ما يذلك ويتعبك وثق بأنك محبوب ومقبول وان طهارتك بدم المسيح مهما كانت مرات سقوطك حتى لو مليون مرة فى اليوم فقط لا تتهاون ولا تيأس .

[Habat Hinta]

وااااااو يا مرمر رائع