شوية نصايح

[مورا مرمر]

يمكن الكلام ده مش مهم لناس كتير ... بس جرب تقراه ومش هتخسر حاجة 😊
1) احنا مخلوقين ف الدنيا دي عشان نكون سند لبعض .... نحتوي ... نشجع ... نحب ...نساعد ..نشارك .. نفرح و نزعل سوا ... ف لما تلاقي حد وثق انك تكون صاحبه و اقرب حد ليه ياريت تكن قد الثقة دي ...
2) اتخلقنا برضه و ف قلبنا حاجة اسمها حب اعتقد دي اسمي صفة للإنسانية .... بلاش نشوه المفهوم ده
3) مش عشان انت شايف اللي قدامك حلو و كويس و مفهوش عيوب يبقي هو كده فعلن " انت بس اللي قررت تشوف الشخص ده باللي جواك مش بعينك "
4) لو ف ايديك انك تساعد حد مهما كان محتاج ايه ... ساعده بكل اللي تقدر عليه و لو مش هتعرف وصله لشخص تاني يقدر يساعده
5) يا سلام بقي لو ساعدت حد و مش مستني مقابل ... ساعد اللي مش هيقدر يردلك ده
6) شجع الناس على حلمهم حتي لو بعيد عنهم ... لان كلمة التشجيع صدقني بتنفع .. تقدر تزق أي حد لقدام حتي لو مشواره طويل .
7) حب كل الناس اللي بيحبوك و اللي جرحوك و اللي استهتروا بيك و بمشاعرك حب حتى اللي احتجت ليه وملقتوش ... حب اللي خذلك ... حبه و صليله
8) و انت بتحب كل الناس متنساش تحط حدود لحياتك .. عشان محدش يجي عليك و يستنفزك ...
9) انسوا التوقعات انك تعلي بتوقعاتك لشخص معين بلاش عشان صدقني هتعلي سابع سما و اتفرج على نفسك و انت بتتشقلب و بتقع ف الجو لسابع ارض
10) اعمل لنفسك كيان ف شغلك هو ده مستقبلك اللي تستاهل تتعب عشانه ... وخلي نفسك طويل لان المشوار مش خطوتين
" وسط كل حاجة هتمر بيها هتلاقي ربنا ساندك و ف ضهرك حتي لو انت ف عز ضعفك مش حاسس ب ده .... اشكره على حاجة وحشة قبل الحلوة لانها خط ف تكوين شخصيتك "

[Mary Naeem]

اشكره على حاجة وحشة قبل الحلوة لانها خط ف تكوين شخصيتك

رووووووووووعة حببتي
ربنا يفرح قلبك

[اوفا]

حلوه خالص ربنا يعوضك

[مورا مرمر]

ميرسى على المرور الجميل