ديوان الديوان مع روائع الشاعرة souad jaalouk

[souad jaalouk]

معليش ما لو مطرح بيناتنا الضجر ...


كلّ اللي راح من العمر ...




ولو كان بتاني سفر ...


رح نبقى نوزّع بسمات


ونحكي للهوي خبريات


تلوّح بأحلى شالات ...

مطرزة من خيطان الشعر نهدات


مغزولة من عشق ولوعة وسهر

معليش ما لو مطرح بيناتنا الضجر ...


- سعاد -

[souad jaalouk]

عم يسألوني...



وبيكتروا بالسؤال



ليش هيك معك



مغيرة الأحوال



لو حلفوني ..



وبأغلى الناس



برب الكاينة



وتقلوا الاحمال



غير اللي قال



لهالجبال



كوني ...



غير اللي حوّل المحال



حقيقة ع المسكوني



ما بقول ولو مهما انقال ...



لغير اللي مخبى



بعيوني ...



ولا تسألوني ...



خليها فيكون



بالحلا ...



تايهة ومغرّبة ظنوني ....

[souad jaalouk]

كلماتٌ من القلب

وعدْتُ اليوم كما الأمسِ

كلماتي أصوغُها بالهمسِ

علّ البعض منها يضلّ السبيل

ويحمل لدنيا باتت أشبه الحبس

حروفاً متناثرةً هي النّبض وجمال الحسّ

- سعاد -

[souad jaalouk]

بسمع انا ... حكيني على الواطي



بسمع انا ... حكيني بلاطفي



شو خطيت بحقك قلّي ...



لحتى ذنوبي عم تعدلي ...



الشغلة ما بدها عياطك ولا عياطي ...



بسمع انا حكيني على الواطي ...





شغلة وبحب تعرفها عنّي



إنّي ومن زغر سنّي ...



لغير الله ما تنازلت



لغير الله ما بعترف بذنوبي



لغير الله انا ما بقول خاطيي







تعودت ع قول الحق



وساعة اللي لازم قول لاء



تعودت اتحدى القدر



وما خلّي عمر الضجر



يوصل ويتسرب ليي



يضيعني متل القصة المنسيي



تعودت من اقدر اشرب



وملّي كاسي







لغير لقال لهالدني كوني



لغير لخالق هالمسكوني



ما بيوم حنيت راسي



ولا بيوم ضاعت مني الطاسي



ولو مهما ومهما تكاترت حواليي



الأعادي





ومن بعد ما شرحتلك عن حالي



فيك تحكي يا غالي



انا هيك خلقت وربيت



هيك عودني رب البيت



من الدني آخود تاري



وبرجع بقلك بسمع انا



حكيني على الواطي ...

[souad jaalouk]

بيصعب عليي ....



امرق جنب بيتك



وما لاقي غير السكوت



غير صلاة العنكبوت



البتصلي للما حدا



وبيرد عليها الصدا



وبترسم خيالات



عن الماضي المات



وبتشردني بوهدات



وبيعذّب قلبي فيي





وبيصعب عليي



شوفك بعيد



بعيد عن عينيي



ولحالك وحيد





وشو بيصعب عليي



تهجرني وتجافيني



وتبعد عن دياري



وما تفتكر فيي





بيصعب عليي يا اسمر



تعلى عليي وتتكبر



وتمرق جنب منّي



وتغض النظر عنّي



بيصعب عليي ...



بعدك عن عينيي ...

[souad jaalouk]

غربتنا الإيّام ...




سفرتنا بدنية أحلام ....




صورتلنا الأوهام ...




حقيقة ضاعت متل بصر منام ...








ورجعت تخبّر وتقول ...




عن هاك الحلم المجهول ....




مش هيك ومش معقول ....




نترك دني ... نبيع








العمر ... نلّف بخيالاتنا ونجول ...




ونتكمّش بحفنة تراب مجبول ...




من وهم .. من سراب من عاصفة








ما لها أصول ..




هيي تراب عم يهرب ..



.تراب منّا ونحن منّو والسلام ...

[souad jaalouk]

لمّا يا إمّي عنّا نويتِ الرّحيل
وحملتِ معك جروح هالقلب العليل
ما سألتِ كيف رح منكون من بعد بسمتك
ولا كيف رح نتحمّل غربة المستحيل
رفعتِ ايديكِ لرب السّما
وعينيكي تاهوا بجولات الصلا
ونقلّك يا إمّي ردّي علينا
تتبسمّي وتخلّي الصدى
مطرح صوتك اللي كان منجيرة هنا
يرد ويعلق هون تعبان
ما بدو منّا حدا
يا إمّي يا كل دنيتي وعمري
يا إمّي يا رفيقتي بمشوار همّي
ليش ... ليش سلّمتِ السلاح
وقلّتِ خلص صار لازم إرتاح
كفّي الدرب يا سعاد وحدك
ليش يا إمّي ..؟ ليش يا سلوتي بإيّام
كلها بعدها مليانة شقا وهموم وغربي
ما حدا ... ما حدا منهن قلّك
إنّي منك إنتي بستمد طاقتي وقوتي
يا إمّي شو بدي قول بعد
خلص الحكي
وصرتي بأبعد أرض
من فوق يااا غالية
من عند رب الكاينة
ضلّك معي وبروحك رافقيني
إنتي ولا مرة معي خلفتي وعد
سعاد جعلوك

[souad jaalouk]

وع دروب كلها شقا مشينا

ونحنا اللي رسمناها بإيدينا

قلنا شوي وبيخلص المشوار

وبتصير رماد هاك النّار

بس الجمر ساكن تحت الرّماد

ع مهب أوّل نسيم بيطلع علينا

بيشعّل نار الشوق فينا ...

وبترجع الدّروب تطوي أمانينا

هيي حلم أو صحوة ماضينا

معربشة ع خيال

معلّقة بآمال

بتاخدنا ع مجاهل بعيدي

ولوحدها بتعود تودينا

[souad jaalouk]

خرطشت ع الحيطان ع الدفاتر ع الورق



حروف مدريي مش مألوفي




بمحابر ما بتخطر ع البال من وراق الحبق




وقلتلها ع السكت لعندو روحي

سعاد

[souad jaalouk]

همسات دافئة
~~~~~~~

رح شيل من سواد اللّيل


شلحة صغيري ...


وحيكها من ميل لميل .. .


وزخرفها بنجم سهيل


ولعندك قلها طيري ....