زوادة اليوم : قتل الديب في الاسكيمو

[souad jaalouk]

زوادة اليوم: قتل الديب بالإسكيمو

بيخبرو عن سكّان الإسكيمو إنّن بيعانو كتير من الدياب، والسبب ما كانو يعرفو كيف بدُّن يتخلّصو منها.
بيوم من الإيّام إكتشف رجّال كبير بالعمر الطريقة، جاب خنجر غمّسو بدم حيوان وتركو ت جمّد، رجع غمّسو من جديد بالدمّ وتركو يتجمّد أكتر من مرّة، وبعدين أخدو وشَكّو بالجليد.
بالليل إجا الدِيب ع ريحة الدم وبلّش يلحَس الخنجر، لحس أوّل طبقة والتانية والتالتة، حتّى صار بالآخر يلحس لسانو وكان مبسوط بطعم الدمّ، الصبح فاق الرجّال وشاف الديب ميّت حَدّ الخنجر.
الزوّادة بتقلّي وبتقلّك:
«ع دروبنا المعتّمة في كتير خناجر، متل المتعة والشهوة والسلطة، لازم نضَلّ واعيين، أحلى ما ننعر حالنا بطعم الملذّات ونخسر حياتنا».

[Mary Naeem]

«ع دروبنا المعتّمة في كتير خناجر، متل المتعة والشهوة والسلطة، لازم نضَلّ واعيين، أحلى ما ننعر حالنا بطعم الملذّات ونخسر حياتنا».
ربنا يبارك حياتك

[walaa farouk]

«ع دروبنا المعتّمة في كتير خناجر، متل المتعة والشهوة والسلطة،

لازم نضَلّ واعيين، أحلى ما ننعر حالنا بطعم الملذّات ونخسر حياتنا»

ميرسى على زوادة اليوم