للبنات بس

[walaa farouk]

للبنات بس ! 🌸👰👰👰👰
1- اوعي يقولولك انتي صغيره وتخلي حد تاني يفكرلك ‘ هيجي يوم وتلاقي نفسك ملزمه تفكري وساعتها مش هتعرفي تعملي حاجه لوحدك ! ❤
2 - ماحدش هيعملك قيمه لا عيله ولا جوازه بس تصرفاتك وعقلك اللي هيعملولك ده ! 💜
3 - والدتك شايفه اللي انتي مش شايفاه ومتوقعه اللي مش هيجي علي بالك مافيش حد بيحبك قدها وياريت تعرفي ده بدري ! 💛
4 - لو ارتبطي عشان الجمال او الفلوس هتكتشفي انه سراب وهيروح ‘ اهم حاجه الحب والتقدير ! 💚
5 - لا في حد هيتغير ولا هيبقي كويس ولا هيتوب بعد الجواز ‘ فرصتك تختاري قبل ، انما بعد كده ده نتيجه اختيارك ! 💙
6 - مش عشان بيصلي يبقي زوج مناسب وسعي نظرك وبصي من كل النواحي ! 💖
7 - كونك انك مش هتشتغلي وتربي اولادك ده في ذاته قيمه اعلي من الشغل اللي بيجيب فلوس بس ياريت يتربو كويس ! 💕
8 - جوزك بيقابل كتير بره وبيستحمل عشان اسرته ‘ لما يكون جوه مش محتاج يسمع شكاوي ولا مشاكل زياده ! 💔
9 - الشهاده مش هتخليكي ذكيه ‘ الحياه عاوزه اكتر من كده بكتير ! 💓
10 - اختاري ابو بنتك قبل ماتختاري حبيب ليكي ‘ عشان لو الحبيب راح يفضل الاب اللي يفتخر بيه ! 💖
11- لازم تكوني مقتنعه انك مش ضعيفه ومش سهل تتنهزمي ‘ الحياه مش بقوه الجسم ‘ اهتمي بعقلك وانتي تبقي احسن من ١٠٠ راجل ! 💘
12- ربنا اداكي قلب تمشي بيه ‘ بس اداكي عقل تشوفي بيه انتي ماشيه فين ! 💝
13- نهايه جواز مش نهايه العالم ده باب اتفتحلك لدنيا اوسع ‘ بس انتي وسعي ادراكك للموقف ! 💞
14- اي مشكله هي مجرد مشكله واحنا اللي بنخليها كبيره او صغيره ‘ متوقف علينا احنا ! 💟
15- اللي انتي فيه ايان كان هو محطه مش نهايه الرحله ! ❤
16- جمالك هيجبلك الراجل اللي بيعرف يبص ولكن عقلك وطريقه تفكيرك هتجبلك الراجل اللي عقله كبير ! 💜
17- مش هتقدري ترضي كل الناس ‘ علي الاقل ارضي نفسك وحافظي عليها ! 💛
18- اي غلطه هي عباره عن درس انما او اتكررت تبقي عباره عن غباء ! 💚
19- السعاده مش في حاجه بره ‘ دوري علي سعادتك جواكي ‘ اسهل و اقرب ! 💙
20 - اللي ميحسش بحزنك ، عمره ماهيكون سبب سعادتك ! 💖
21 - انت تفرقي ، انتي مهمه ، انتي محبوبه ، وجودك ليه فايده وهدف سواء انتي شايفه ده او لا ! 💕
22 - لولا الحزن مش هتقدري قيمه السعاده و لولا غياب شخص مش هتقدري وجوده ! 💔
23 - طول ما في اعذار مافيش نجاح ! 💓
24 - عقلك هو ارضك الخصبه ومش هيطلع الا اللي انتي بتزرعيه جواه ! 💞
25 - اتعلمي تقولي لا من غير متبرري لحد ‘ انتي مش مجبره تشرحي لحد حاجه ! 💝
26 - ماترتبطيش باشخاص او اماكن ارتبطي باهداف واحلام ! 💘
27 - الاشخاص حبهم مابيقلش او بيروح هما بس بيتعبوا من التمثيل وبيبانوا علي حقيقتهم ! 💖
28 - لو مش عاجبك الدنيا اصنعي دنيتك ! 💟
29 - مش خساره اننا نخسر اشخاص بس نكسب انفسنا ! ❤
30 - عشان اي علاقه تنجح احنا بننسي الاخطاء عشان العلاقات مش بننسي العلاقات عشان الاخطاء ! 💜
31 - عمرنا ماهنبقي سعداء الا لما نعرف اننا مش مخلوقين عشان نبقي سعداء انما مخلوقين عشان يبقي لينا قيمه ! 💛
32 - في ناس تريد الشيء وناس بتحلم بيه وناس بتخليه واقع ‘ انتي انهي منهم !؟ 💚
33 - طول ماشغلك او دراستك حاجه ومتعتك في هوايه او في وقت فراغك عمرك ماهتنجحي في المجال ده ! 💙
34 - مافيش حاجه بتجبر الواحد انه يتغير قد الالم او الفشل ! 💖
35 - لو قدرتي حد فوق ما يستاهل هيعاملك اقل مانتي تستاهلي ! 💕
36 - البحر الهادي عمره مابيصنع بحار شاطر ‘ اشكري دايما ظروفك ! 💔
37 - مافيش صدف ومافيش حد بيدخل حياتنا كده بس في ناس بتعرف ليه وناس لا ! 💓
38 - عن تجربه المتعه مش في الوصول لهدفك او حلمك المتعه في الطريق ! 💖
39 - موبايلك قربلك ناس بعيده قوي بس خلي بالك ان مايبعدكيش عن الناس اللي جنبك ! 💘
40 - ماتكونيش عايشه مع ناس مش فهماكي في مكان مش حباه في شغل مش طايقاه وتقولي انا مش مرتاحه نفسيا ليه ‘ غيري اي حاجه مش عاجباكي ‘ اتحركي انتي مش شجره ! 💝
41 - اوعي تيأسي ‘ ناس كتير يأست قبل خطوه من النجاح ! 💞
42 - اكبر منافس ليكي واللي لازم تكسبيه هو انتي ! 💟
43 - خلي هدفك انك توصلي لاحلي نسخه منك وفي افضل حالاتها ! ❤
44 - في ملايين بقو ناجحين واغنياء وحققوا اهدافهم مايفرقوش عنك الا انهم تعبوا اكتر ومااستسلموش ! 💜
45 - لو وصلتي لـ اللي انتي عوزاه هتبقي ناجحه ولو عوزتي اللي وصلتيلوا هتبقي سعيده ! 💛
46 - ماحدش بيشوف بكره طول ماهو باصص لـ مبارح ! 💚
47 - الحظ بيجي للي بيعمل اللي عليه ‘ الكسالي عمرهم ما كانوا محظوظين ‘ كل ماتتعبي اكتر هتبقي محظوظه اكتر ! 💙
48 - الاي بتركزي فيه هو اللي هيبقي واقعك ! 💖
49 - الرساله اللي بتطلع منك في كلامك تعاملاتك تصرفاتك هي اللي الكون بيرجعهالك تاني سواء خير او شر ! 💕
50 - فاقد الشيء هو اقدر حد علي عطاؤه لانه اكتر واحد بيكون عارف قيمته ! 💔

[Mary Naeem]

فاقد الشيء هو اقدر حد علي عطاؤه لانه اكتر واحد بيكون عارف قيمته ! ��

صح يا قمر

ربنا يباركك حببتي

[walaa farouk]

ميرسى كتير على مرورك الغالى

[ابى سيفين]

الحظ بيجي للي بيعمل اللي عليه ‘ الكسالي عمرهم ما كانوا محظوظين ‘ كل ماتتعبي اكتر هتبقي محظوظه اكتر !
شكرا على هذة التوعية مش للبنات وبس دى للجميع

[walaa farouk]

ميرسى كتير على مرورك الغالى