مبروك المولود عقبال ماتخاويه
جمله بتتقال لكل واحد لسه اب او لواحده لسه ام.. ويبقي المبرر في كده( انك ماتسبوش في الدنيا لوحده او علشان يلاقي اخ يتسند عليه والكلام ده).. ونسينا كلام ربنا (احسب حساب الوكالة.). فتلاقي الرد اللي يقولك( العيل بيجي برزقه ماتعندش ربنا.). ( ماتجبش عيل تاني مدام مش هاتقدر تعيشه نفس عيشه العيل الاولاني.. سيبك من كلام اللي حواليك لازم تجيب تاني علشان مايبقاش لوحده.. ماهو ممكن بردو يبقي عنده 11 اخ ويبيعوه ويبقي لوحده بردو..اوعي تسمع كلمه انت مش عايشلهم العمر كله. قولهم مانا لو جبت اكتر من عيل علشان يسندوا بعض ممكن بردو معاشلهمش العمر كله.. هايقولولك العيل لوحده غلط قولهم في عيال وحيده وطلعت احسن من اي حد المهم التربيه الواعيه... اوعي تتقل علي نفسك وعلي حياتك وعلي ابنك الاولاني لمجرد كلام الناس.. او لو جبت بنت يلا عقبال الولد او لو جبت ولد يلا عقبال البنت.. ماحدش هايشيل تعبكم غيركم الاهل هايبقي اخرهم كل متخلف عيل ( الله ده شبه ستو.. لا جدو.. لا شبه اشرف ابن عمه خالك عماد.. اي كلام.. ويفرحوا في السبوع وبس.. ومحدش هايشيل هم تعب وتربيه ومصاريف وحياه وتعليم في بلد التعليم والصحه فيها افشل من بعض.. ارجوكوا فكروا قبل اي خطوه ..لو ربنا مقدرك هات تاني وبالاتفاق بين الطرفين ولو شايف الدنيا صعبه فمتصعبهاش عليك وعلي ولادك اللي تخلفهم.. فكر قبل الخطوه التانيه..
17 - 11 - 2017, 08:58 AM
رد: مبروك المولود عقبال ماتخاويه
العرض العادي
