| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
04 - 07 - 2017, 08:13 PM
|
||||
|
||||
 *ماما ممكن تهرشيلي في ظهري . # حاضر. بعد خمس دقايق ... *ماما ممكن تطبطبي عليا # حاضر بعد عشر دقايق ... # يابني ابعد شوية مالك لازق فيا كده ليه .. بعد ساعة ... *ماما كفك. # حاضر،، مابتزهقش من اللعبة دي .. بعد ساعتين : *هيه بابا جه .. يلا يابابا علشان نلعب مصارعه ... عند النوم .. *ماما هو فين الدبدوب بتاعي انا مش لاقيه. # مش عارفة .. مش لازم تاخدك في حضنك يعني وانت نايم.. نام ورانا بكرة مدرسة .. عند الأهل : # يابنتي دي حاجة كده خنقة ، كل شوية ياماما ويحضني ، وشوية يمسك في ايدي وشوية يقولي كفك وشوية ياماما شيليني وشوية اهرشيلي وشوية الاقيه ماسك لي في الدبدوب مش عايز يسيبه ... $القريبة: كبري دماغك منه .. ده شكله بيتدلع . # اه والله انا اتخنقت منه .. $شوفي وراك ايه ومش كل لما يقولك حاجة تعمليهاله ... في البيت : *ماما ممكن تهرشيلي ظهري . # نبقى نروح للدكتور نشوف المشكلة ايه بالضبط .. ماله ظهرك اللي كل شوية تقولي اهرشيلي اهرشيلي ... بعد يوم : *ماما انا عايز انام في حضنك . # مش فاضية بعمل الاكل .. لما اخلص ابقى اجيلك . بعد شهر : # مالك ياابني مابتسمعش الكلام ليه ، وايه الحركات المستفزة اللي انت بتعملها دي ، قوم شوف وراك ايه وسيب الدبدوب اللي في ايدك ده بدل مارمهولك ... ........................... كل اللي في الموضوع ان الابن كان محتاج حب .. باللغة بتاعته .. واللي بيحس بيها انه محبوب ... .. كان محتاج للمسة ، طبطبة ، بوسة ، حضن ، اي شكل من اشكال التلامس حتى لو بشكل لعبة فيها تلامس بالايد ... لما تلاقي ابنك .. كل شوية يحضنك ، يلمسك ، يطبطب عليك ... او يطلب منك الحاجات دي ... اديهاله ... عبر له عن حبك بالطريقة دي .. كلمه بحبك مش حتكفيه .. هو عايز حاجة فيها لمس ... احضنيه ،طبطبي عليه ، نيميه في حضنك ، بوسيه ، اهرشيله ظهره ، والعبي معاه استغماية تمسكيه فيها ... واياك تضربيه او حتى تقرصيه .. اي لمسه ليه فيها ايذاء بتوصل له رسالة كره مش طبيعية ... لو ادتيله الحب بطريقة مش طريقته .. مش حيحس بحبك ليه... وحيبدا يعمل تصرفات تعوضه عن الحب ده ... يعند ، يكذب ، يكسر لعبه ، يلزق في اللعبة اللي يحسها قوي بايديه ،،، علشان كده ... حبيه ... ودربي نفسك على حبه بالطريقة اللي تقويه ... لاحظي ابنك وقوليلنا هل دي طريقة الحب عنده.. لو اه احكيلنا.. وتابعينا... حنقولك ازاي تحبيه كمان وكمان بطرق تانية ... التطبيق المطلوب منك .. ادي لابنك حب بالطريقة دي .. الاطفال كلها محتاجه الحب بكل اللغات .. بس فيه لغة معينة هي اكتر حاجة محتاجها ... ادي الحب بالطرق كلها علشان تضمني انك حسستيه بالحب اللي محتاجه 
|
|
#2
05 - 07 - 2017, 11:47 AM
|
|||
|
|||
|
موضوع جميل
ربنا يفرح قلبك
|
|
#3
05 - 07 - 2017, 12:11 PM
|
||||
|
||||
|
الاطفال كلها محتاجه الحب بكل اللغات
رووووووووووعة حببتي ربنا يفرح قلبك
|
|
#4
05 - 07 - 2017, 11:58 PM
|
||||
|
||||
|
ميرسى على مروركم الغالى 
|
|
#5
06 - 07 - 2017, 12:15 AM
|
|||
|
|||
|
رووووووعة ..ربنا يبارك خدمتك لواو
|
|
#6
06 - 07 - 2017, 12:20 AM
|
||||
|
||||
|
ميرسى على مرورك الغالى
|
|
| أدوات الموضوع | |
| انواع عرض الموضوع | |
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| بكل اللغات...(انا مسيحى) | walaa farouk | صورة وأية من الكتاب المقدس | 5 | 19 - 07 - 2016 09:24 PM |
| الحب أسمى من اللغات البشرية | Mary Naeem | مواضيع وتأملات روحية مسيحية | 2 | 25 - 03 - 2015 03:27 PM |
| بحبك بكل اللغات | Mary Naeem | الصور العامة والمتنوعة | 0 | 14 - 09 - 2013 08:59 AM |
| الصمت سيد اللغات | Mary Naeem | الصور العامة والمتنوعة | 0 | 12 - 08 - 2013 08:12 PM |
| بكل اللغات أنا مسيحى | Magdy Monir | صورة وأية من الكتاب المقدس | 2 | 13 - 12 - 2012 08:52 PM |
العرض العادي
